Nail Cutting: ఏ రోజున గోర్లు కట్ చేస్తే మీ అదృష్టం దూరం అవుతుందో తెలుసా?

మన పూర్వీకులు కొన్ని చిన్న చిన్న ఆచారాలను పాటించడం ద్వారా శుభాన్ని, శ్రేయస్సును పొందవచ్చని నమ్మేవారు. అదే విధంగా, వారంలోని కొన్ని రోజులలో గోళ్లను కత్త

Studio18 News - భక్తి / : హిందూ సంప్రదాయాల్లో ఎప్పటినుంచో కొన్ని విషయాలు ఎక్కువగా వినిపిస్తుంటాయి. అందులో ఒకటి గోర్లు కత్తిరించడం. ఎప్పుడు పడితే అప్పుడు గోర్లు కత్తిరించడకూడదని మన పెద్దవాళ్లు సైతం చెప్తుంటారు. ఇందులో నిజమెంత?.. అసలు ఏ రోజుల్లో గోర్లు కత్తిరించాలి, ఎప్పుడు చేయకూడదు అనే విషయాలు ఇప్పటికీ చాలా మందికి సరైన అవగాహన లేదు. జ్యోతిష్య నిపుణులు శాస్త్రాల ప్రకారం, ఈ క్రింది నాలుగు రోజుల్లో గోర్లు కత్తిరించడం అశుభమని భావించాలి. శనివారం : శనివారం రోజున గోళ్లు కత్తిరించడం అనేది శని దేవుడికి కోపం తెప్పిస్తుందని నమ్మకం. ఇది శని దోషాన్ని పెంచుతుంది, తద్వారా జీవితంలో సమస్యలు, కష్టాలు పెరిగిపోతాయి. ఈ రోజు గోర్లు తీయడం వల్ల ఆర్థిక నష్టం లేదా వ్యాపారంలో నష్టం కలగడానికి అవకాశం ఉంది. మంగళవారం : మంగళవారం రోజున గోళ్లు కత్తిరించడం వల్ల ఆ ఇంట్లో రుణాలు పెరగడం, కోర్టు సమస్యలు రావడం జరుగుతుందని జ్యోతిష్య నిపుణులు అంటున్నారు. మంగళవారం శక్తికి, ఉగ్ర రూపానికి సంబంధించిన రోజు; ఈ రోజున గోళ్లు కత్తిరించడం వల్ల ఇంట్లో అశుభాలు జరుగుతాయని భావిస్తారు. గురువారం : గురువారం విష్ణుమూర్తికి అంకితం చేయబడిన పవిత్రమైన రోజు. ఈ రోజున గోళ్లు లేదా వెంట్రుకలు తీయడం వల్ల ఆయుష్షు తగ్గడం, అదృష్టం దూరం కావడం జరుగుతుందని పెద్దలు చెబుతుంటారు. ఈ తప్పు చేయడం వలన ఇంట్లో ధనం నిలవదని, ధన నష్టం సంభవిస్తుందని నమ్మకం. అమావాస్య : ఏ నెలలోనైనా అమావాస్య రోజును అశుభంగా భావిస్తారు. ఈ రోజున గోళ్లు కత్తిరించడం వల్ల ఇంట్లో ప్రతికూల శక్తులు పెరిగి, మానసిక ఒత్తిడి, భయం వెంటాడతాయి. ఈ కారణంగా లక్ష్మీదేవి కటాక్షం లోపిస్తుంది. గోళ్లు కత్తిరించడానికి శుభ దినాలు మరి దరిద్రాన్ని పారదోలి, శుభాన్ని పొందాలంటే గోళ్లను ఏ రోజుల్లో కత్తిరించాలి? గోళ్లు కత్తిరించడానికి సోమవారం, బుధవారం, శుక్రవారం, ఆదివారం వంటి రోజులు శుభకరమైనవి. ముఖ్యంగా శుక్రవారం గోళ్లు కత్తిరించడం లక్ష్మీదేవికి సంతోషం కలిగిస్తుంది, తద్వారా ఇంట్లో సంపద పెరుగుతుంది. గమనిక: ఈ సమాచారం పూర్తిగా భారతీయ శాస్త్రాలు, సాంప్రదాయ నమ్మకాలు మరియు జ్యోతిష్య చిట్కాల ఆధారంగా ఇవ్వబడింది. వ్యక్తిగత నమ్మకాలకు మాత్రమే పరిమితం.

లోకల్ యాడ్స్