Antibiotics: గర్భవతులు యాంటీబయాటిక్స్ వాడితే... పుట్టేపిల్లలకు రిస్క్!
Studio18 News - ఆరోగ్యం / : గర్భంతో ఉన్నప్పుడు యాంటీబయాటిక్స్ వాడితే శిశువులకు జీబీఎస్ వ్యాధి వచ్చే ప్రమాదం స్వీడన్లోని కరోలిన్స్కా ఇన్స్టిట్యూట్ సహా పలు సంస్థల అంతర్జాతీయ అధ్యయనం ముఖ్యంగా గర్భధారణ మూడో త్రైమాసికం ప్రారంభంలో వాడితేనే ప్రమాదం ఎక్కువ ఎలాంటి రిస్క్ ఫ్యాక్టర్స్ లేని గర్భిణుల్లోనే ఈ ప్రభావం ఎక్కువగా ఉన్నట్లు గుర్తింపు గర్భిణులు అనవసర యాంటీబయాటిక్స్ వాడకాన్ని పరిమితం చేయాలని సూచన గర్భంతో ఉన్న మహిళలు యాంటీబయాటిక్స్ వాడటం వల్ల శిశువులకు 'గ్రూప్ బీ స్ట్రెప్టోకోకస్' (జీబీఎస్) అనే బ్యాక్టీరియల్ వ్యాధి వచ్చే ప్రమాదం పెరుగుతుందని ఓ తాజా అధ్యయనంలో తేలింది. సాధారణంగా ఈ బ్యాక్టీరియా జీర్ణాశయం లేదా జననేంద్రియాల్లో హానిచేయకుండా ఉన్నప్పటికీ, నవజాత శిశువుల్లో సెప్సిస్, మెనింజైటిస్, న్యుమోనియా వంటి తీవ్రమైన ఇన్ఫెక్షన్లకు దారితీస్తుంది. స్వీడన్లోని కరోలిన్స్కా ఇన్స్టిట్యూట్, బెల్జియంలోని ఆంట్వెర్ప్ విశ్వవిద్యాలయం నేతృత్వంలోని అంతర్జాతీయ పరిశోధకుల బృందం ఈ అధ్యయనం నిర్వహించింది. ప్రసవానికి నాలుగు వారాల ముందు యాంటీబయాటిక్స్ వాడితే నవజాత శిశువుల్లో జీబీఎస్ వ్యాధి ప్రమాదం పెరుగుతున్నట్లు గుర్తించారు. ముఖ్యంగా గర్భధారణలోని మూడో త్రైమాసికం ప్రారంభంలో యాంటీబయాటిక్స్ వాడకం వల్ల ఈ ముప్పు మరింత ఎక్కువగా ఉందని 'జర్నల్ ఆఫ్ ఇన్ఫెక్షన్'లో ప్రచురితమైన ఈ అధ్యయనం తేల్చిచెప్పింది. ఈ పరిశోధన కోసం స్వీడన్లో 2006 నుంచి 2016 వరకు జన్మించిన శిశువుల డేటాను విశ్లేషించారు. మొత్తం 10,95,644 మంది శిశువుల్లో, 24.5 శాతం మంది గర్భంలో ఉన్నప్పుడు యాంటీబయాటిక్స్కు గురయ్యారు. యాంటీబయాటిక్స్ వాడని తల్లులకు పుట్టిన పిల్లలతో పోలిస్తే, వాడిన వారి పిల్లల్లో జీబీఎస్ ఇన్ఫెక్షన్ రేటు ఎక్కువగా (ప్రతి 1,000 మందికి 0.86 వర్సెస్ 0.66) ఉన్నట్లు తేలింది. ఆశ్చర్యకరంగా, జీబీఎస్ వ్యాధికి సంబంధించి ఎలాంటి ఇతర ముప్పు కారకాలు లేని గర్భాశయాలలోనే యాంటీబయాటిక్స్ ప్రభావం స్పష్టంగా కనిపించింది. దీంతో, ప్రస్తుతం ఉన్న జీబీఎస్ నివారణ మార్గదర్శకాల పరిధిలోకి రాని శిశువుల విషయంలో మరింత అప్రమత్తంగా ఉండాలని పరిశోధకులు సూచించారు. ముఖ్యంగా మూడో త్రైమాసికం ప్రారంభంలో యాంటీబయాటిక్స్కు గురైన శిశువులను జాగ్రత్తగా పర్యవేక్షించాల్సిన అవసరాన్ని నొక్కిచెప్పారు. అనవసర యాంటీబయాటిక్స్ వాడకాన్ని పరిమితం చేయాల్సిన అవసరం ఉందని కూడా ఈ బృందం అభిప్రాయపడింది.
Admin
Studio18 News
మరిన్ని వార్తలు
Developed By :
