మైక్రోసాఫ్ట్ సహ వ్యవస్థాపకుడు బిల్ గేట్స్ ఆర్టిఫిషియల్ ఇంటెలిజెన్స్ అభివృద్ధిపై ఆసక్తికర వ్యాఖ్యలు చేశారు. ఏఐ పురోగతి వేగం చాలా ఎక్కువగా ఉందని, ఈ సాంకేతికత తీసుకురాబోయే విస్తృతమైన మార్పులను ఎదుర్కొనేందుకు ప్రపంచం ఇంకా పూర్తిగా సిద్ధంగా లేదని ఆయన అభిప్రాయపడ్డారు. ఏఐ గతంలోని పర్సనల్ కంప్యూటర్, ఇంటర్నెట్ వంటి ఆవిష్కరణల కంటే సమాజంపై మరింత లోతైన ప్రభావం చూపవచ్చని పేర్కొన్నారు.
ఏఐ ఆధారిత సైబర్ దాడులు భవిష్యత్తులో పెద్ద ముప్పుగా మారే అవకాశం ఉందని గేట్స్ హెచ్చరించారు. మరోవైపు, ఏఐను సరైన విధంగా అభివృద్ధి చేసి వినియోగిస్తే సామాజిక సమానత్వాన్ని పెంచే శక్తివంతమైన సాధనంగా మారుతుందని గేట్స్ ఫౌండేషన్ పేర్కొంది. సమానత్వంతో కూడిన ఏఐ అభివృద్ధి కోసం తమ ఫౌండేషన్ 1 బిలియన్ డాలర్లు కేటాయించినట్లు తెలిపింది.
About The Author
