-
అమ్మవారి చిత్రపటానికి పూలమాలలు వేసి నివాళులు అర్పించిన అదనపు కలెక్టర్
-
పాల్గొన్న జిల్లా అధికారులు, ఆర్యవైశ్య సంఘాల నాయకులు
నిర్మల్, ఏప్రిల్ 26 
: నిర్మల్ జిల్లా కలెక్టరేట్ కార్యాలయంలో శ్రీ వాసవి కన్యకా పరమేశ్వరి అమ్మవారి జయంతి వేడుకలు ఆదివారం అత్యంత భక్తిశ్రద్ధలతో నిర్వహించారు. కలెక్టరేట్లోని సమావేశ మందిరంలో ఏర్పాటు చేసిన ఈ కార్యక్రమంలో జిల్లా స్థానిక సంస్థల అదనపు కలెక్టర్ బి. వెంకటేశ్వర్లు ముఖ్య అతిథిగా పాల్గొన్నారు.
ఈ సందర్భంగా ఆయన పలువురు జిల్లా అధికారులు మరియు ఆర్యవైశ్య సంఘాల నాయకులతో కలిసి వాసవి మాత చిత్రపటానికి పూలమాలలు వేసి ఘనంగా నివాళులు అర్పించారు. అనంతరం ఆయన మాట్లాడుతూ.. అహింస, ధర్మం మరియు శాంతి మార్గంలో పయనించాలని బోధించిన వాసవి మాత ఆశయాలు అందరికీ ఆదర్శనీయమని పేర్కొన్నారు. సమాజ హితం కోసం అమ్మవారు చేసిన త్యాగాన్ని ఈ సందర్భంగా గుర్తుచేసుకున్నారు.
ఈ జయంతి వేడుకలలో జిల్లా యువజన మరియు క్రీడల అధికారి (DYSO) శ్రీకాంత్ రెడ్డి, జిల్లా పరిశ్రమల మేనేజర్ నరసింహారెడ్డి, వివిధ సంఘాల నాయకులు, కలెక్టరేట్ సిబ్బంది తదితరులు పాల్గొన్నారు.
About The Author
