-
రాష్ట్ర సంక్షేమ శాఖ కార్యదర్శి ఆకస్మిక తనిఖీ
-
నిర్వహణ తీరుపై సంతృప్తి.. వృద్ధుల సంక్షేమమే లక్ష్యం
జగిత్యాల, మే 02 : జగిత్యాల జిల్లా కేంద్రంలోని బైపాస్ రోడ్డులో జిల్లా సంక్షేమ శాఖ ఆధ్వర్యంలో, ఇండియన్ రెడ్ క్రాస్ సొసైటీ నిర్వహిస్తున్న “ప్రణామ్” వయోవృద్ధుల డే కేర్ సెంటర్ను రాష్ట్ర మహిళాభివృద్ధి, శిశు, దివ్యాంగుల మరియు సీనియర్ సిటిజన్స్ సంక్షేమ శాఖ కార్యదర్శి శ్రీమతి అనిత రామచంద్రన్ శుక్రవారం ఆకస్మికంగా సందర్శించారు.
వసతుల పరిశీలన
శుక్రవారం మధ్యాహ్నం 4 గంటల సమయంలో జిల్లా సంక్షేమ అధికారి రాజ్ కుమార్ కాంబ్లెతో కలిసి సెంటర్కు చేరుకున్న ఆమె, అక్కడ వృద్ధులకు కల్పిస్తున్న వసతులను క్షుణ్ణంగా పరిశీలించారు. సెంటర్ నిర్వహణ తీరు, అందుతున్న సేవలను అడిగి తెలుసుకున్నారు. ఈ సందర్భంగా రెడ్ క్రాస్ సొసైటీ కార్యనిర్వాహక సభ్యులు సిరిసిల్ల శ్రీనివాస్ సెంటర్లోని సౌకర్యాలను ఆమెకు వివరించారు.
సంక్షేమ పథకాలపై అవగాహన కల్పించాలి
సెంటర్ నిర్వహణపై అనిత రామచంద్రన్ సంతృప్తి వ్యక్తం చేశారు. సీనియర్ సిటిజన్స్ సంక్షేమం కోసం ప్రభుత్వం అమలు చేస్తున్న వివిధ కార్యక్రమాలు, పథకాల గురించి వృద్ధులకు ఎప్పటికప్పుడు వివరించాలని అధికారులకు సూచించారు. వారి ఆరోగ్యం, వినోదం విషయంలో ప్రత్యేక శ్రద్ధ తీసుకోవాలని పేర్కొన్నారు.
ఈ కార్యక్రమంలో సంక్షేమ శాఖ అధికారి భాస్కర్, సిబ్బంది కొండయ్య, చంద్రమోహన్ మరియు ఇతర అధికారులు పాల్గొన్నారు.
About The Author
