-
రాజీవ్ ఎన్క్లేవ్లో యుజీడీ పనులకు శంకుస్థాపన చేసిన ఎమ్మెల్యే బండారి లక్ష్మారెడ్డి
-
మౌలిక వసతుల కల్పనే లక్ష్యమని వెల్లడి
కాప్రా, ఏప్రిల్ 20 (ప్రజా సాక్షి): కాప్రా డివిజన్ పరిధిలోని గోపాల్ రెడ్డి నగర్ – రాజీవ్ ఎన్క్లేవ్ ప్రాంతాల్లో చిరకాలంగా నెలకొన్న డ్రైనేజీ సమస్యకు శాశ్వత పరిష్కారం లభించనుంది. సుమారు రూ. 1 కోటి 32 లక్షల భారీ వ్యయంతో చేపట్టనున్న అండర్ గ్రౌండ్ డ్రైనేజీ (UGD) పనులకు ఉప్పల్ ఎమ్మెల్యే బండారి లక్ష్మారెడ్డి సోమవారం ఘనంగా శంకుస్థాపన చేశారు.
మెరుగైన వసతులే లక్ష్యం
ఈ సందర్భంగా ఎమ్మెల్యే మాట్లాడుతూ.. నియోజకవర్గంలోని ప్రతి కాలనీలో మెరుగైన మౌలిక వసతులు కల్పించడమే తమ లక్ష్యమని తెలిపారు. ముఖ్యంగా డ్రైనేజీ సమస్య వల్ల కాలనీ వాసులు ఎదుర్కొంటున్న ఇబ్బందులను దృష్టిలో ఉంచుకుని ఈ నిధులను మంజూరు చేయించినట్లు పేర్కొన్నారు. పనులను నాణ్యతతో, నిర్ణీత కాలపరిమితిలోగా పూర్తి చేసి ప్రజలకు అందుబాటులోకి తీసుకురావాలని సంబంధిత అధికారులను ఆదేశించారు.
పాల్గొన్న అధికారులు, నాయకులు:
ఈ కార్యక్రమంలో జలమండలి జీఎం అప్పలనాయుడు, డీజీఎం హర్షిత రెడ్డి, ఏఈ అమర్నాథ్లతో పాటు బీఆర్ఎస్ పార్టీ డివిజన్ అధ్యక్షుడు బైరీ నవీన్ గౌడ్, స్థానిక పార్టీ నాయకులు మరియు రాజీవ్ ఎన్క్లేవ్ కాలనీ నివాసులు పెద్ద సంఖ్యలో పాల్గొన్నారు. తమ ప్రాంతంలో డ్రైనేజీ పనులు ప్రారంభించడం పట్ల కాలనీ వాసులు హర్షం వ్యక్తం చేస్తూ ఎమ్మెల్యేకు కృతజ్ఞతలు తెలిపారు.
About The Author
