-
ఇంటి ముందు నిలిపిన వాహనాలకు నిప్పు
-
వార రోజుల క్రితమే కొన్న కొత్త స్కూటీ బుగ్గి
-
కక్షపూరిత చర్యగా అనుమానిస్తున్న బాధితులు
వేల్పూర్, ఏప్రిల్ 20 (ప్రజా సాక్షి): నిజామాబాద్ జిల్లా వేల్పూర్ మండల కేంద్రంలోని కేసీఆర్ కాలనీలో ఆదివారం అర్థరాత్రి గుర్తుతెలియని వ్యక్తులు ఆకతాయి చర్యకు పాల్పడ్డారు. నివాసాల ముందు పార్క్ చేసిన రెండు ద్విచక్ర వాహనాలకు నిప్పు పెట్టడంతో అవి పూర్తిగా దగ్ధమయ్యాయి. ఈ ఘటన స్థానికంగా తీవ్ర కలకలం రేపింది.
ఘటన వివరాలు:
బాధితులు మరియు కాలనీవాసుల కథనం ప్రకారం.. కేసీఆర్ కాలనీలో నివాసం ఉంటున్న శ్రావణ్ కుమార్ గౌడ్ వారం రోజుల క్రితమే ఒక కొత్త స్కూటీని కొనుగోలు చేశారు. నిన్న రాత్రి సుమారు 12 గంటల ప్రాంతంలో తన ఇంటి ముందర స్కూటీని పార్క్ చేశారు. ఆయన పక్కనే అదే కాలనీకి చెందిన మహేందర్ గౌడ్ తన బైక్ను కూడా నిలిపారు. అర్థరాత్రి సమయంలో అకస్మాత్తుగా వాహనాలు తగలబడటం గమనించిన స్థానికులు మంటలను ఆర్పే ప్రయత్నం చేసినప్పటికీ, అప్పటికే వాహనాలు సగానికి పైగా కాలిపోయాయి.
కక్షపూరిత చర్యేనా?
కొత్తగా కొన్న వాహనం కావడంతో శ్రావణ్ కుమార్ తీవ్ర ఆవేదన వ్యక్తం చేస్తున్నారు. ఎవరైనా కక్షపూరితంగా ఈ పని చేశారా? లేక ఆకతాయిలు కావాలని నిప్పు పెట్టారా? అన్నది అర్థం కావడం లేదని కాలనీవాసులు వాపోతున్నారు. పక్కపక్కనే ఉండటం వల్ల రెండు వాహనాలు మంటలకు ఆహుతయ్యాయి.
పోలీసుల దర్యాప్తు:
సమాచారం అందుకున్న వేల్పూర్ పోలీసులు ఘటనా స్థలానికి చేరుకుని వివరాలు సేకరించారు. ఎస్సై బి. సంజీవ్ మాట్లాడుతూ.. ఘటనపై కేసు నమోదు చేశామని, క్లూస్ టీమ్ మరియు స్థానిక సీసీ కెమెరాల ఆధారంగా నిందితులను గుర్తిస్తామని తెలిపారు. ఇలాంటి అసాంఘిక కార్యకలాపాలకు పాల్పడే వారిని వదిలిపెట్టే ప్రసన్నే లేదని, దీని వెనుక ఉన్న వారిని త్వరలోనే పట్టుకుంటామని ఆయన స్పష్టం చేశారు.
About The Author
