ఇచ్చిన మాట నిలబెట్టుకున్న బిఆర్ఎస్ నాయకుడు చంద్రశేఖర్ రెడ్డి
చైతన్యపురి, ఏప్రిల్ 25: చైతన్యపురి డివిజన్లోని మున్సిపల్ కాలనీలో గత కొద్దిరోజులుగా వేధిస్తున్న తాగునీటి సమస్యకు ఎట్టకేలకు పరిష్కారం లభించింది. కాలనీలో బోర్లు చెడిపోవడంతో ప్రజలు పడుతున్న ఇబ్బందులను దృష్టిలో ఉంచుకుని, బిఆర్ఎస్ నాయకులు చంద్రశేఖర్ రెడ్డి యుద్ధప్రాతిపదికన మరమ్మతులు చేయించి నీటి సరఫరాను పునరుద్ధరించారు.
రెండు రోజుల్లోనే పరిష్కారం
కాలనీలో బోర్లు పని చేయడం లేదని, నీటి ఎద్దడి తీవ్రంగా ఉందని కాలనీ అసోసియేషన్ అధ్యక్షుడు శ్రీహరి, నాయకుడు నరేష్లు చంద్రశేఖర్ రెడ్డి దృష్టికి తీసుకెళ్లారు. సమస్య తీవ్రతను అర్థం చేసుకున్న ఆయన, రెండు రోజుల్లోనే బోర్లను రిపేర్ చేయిస్తానని హామీ ఇచ్చారు. అన్నట్లుగానే కేవలం 48 గంటల్లోనే మరమ్మతులు పూర్తి చేయించి, స్వయంగా మోటార్ బటన్ నొక్కి ప్రతి ఇంటికి నీరు అందేలా చర్యలు తీసుకున్నారు.
చంద్రశేఖర్ రెడ్డికి ఘన సన్మానం
సమస్యను సత్వరమే పరిష్కరించి ఇచ్చిన మాట నిలబెట్టుకున్నందుకు కృతజ్ఞతగా కాలనీ అసోసియేషన్ సభ్యులు చంద్రశేఖర్ రెడ్డిని ఘనంగా సన్మానించారు. ఈ సందర్భంగా ఆయన మాట్లాడుతూ.. ప్రజా సమస్యల పరిష్కారమే లక్ష్యంగా ముందుకు సాగుతామని పేర్కొన్నారు.
పాల్గొన్న ముఖ్యులు: ఈ కార్యక్రమంలో మున్సిపల్ కాలనీ అధ్యక్షులు శ్రీహరి, బిఆర్ఎస్ వర్కింగ్ ప్రెసిడెంట్ నరేష్, సీనియర్ నాయకులు పురుషోత్తం, పులి కిరణ్, నరేష్, సాయి, వినోద్ కుమార్, శివప్రసాద్, అభిషేక్, ప్రమోద్, అజ్జు, తరుణ్ తదితరులు పాల్గొన్నారు.
About The Author
