జగిత్యాల నియోజకవర్గంలో యువజన కాంగ్రెస్ బలోపేతం: బీరం రాజేష్

వారం రోజుల్లో గ్రామస్థాయిలో నూతన కమిటీల నియామకం
MPTC, ZPTC ఎన్నికల్లో విజయమే లక్ష్యంగా యువత పనిచేయాలి

జగిత్యాల, ఏప్రిల్ 23: జగిత్యాల నియోజకవర్గ వ్యాప్తంగా కాంగ్రెస్ పార్టీని క్షేత్రస్థాయిలో బలోపేతం చేయడమే లక్ష్యంగా వారం రోజుల్లో గ్రామగ్రామాన యువజన కాంగ్రెస్ నూతన కమిటీలను నియమించనున్నట్లు జిల్లా యూత్ కాంగ్రెస్ అధ్యక్షుడు బీరం రాజేష్ వెల్లడించారు. గురువారం జగిత్యాల జిల్లా కేంద్రంలోని మోతే రోడ్డులో గల ఎమ్మెల్యే క్యాంపు కార్యాలయంలో నియోజకవర్గ స్థాయి యువజన కాంగ్రెస్ సమీక్షా సమావేశం ఆయన అధ్యక్షతన నిర్వహించారు.

ప్రభుత్వ పథకాలను ప్రజల్లోకి తీసుకెళ్లాలి

ఈ సందర్భంగా బీరం రాజేష్ మాట్లాడుతూ.. తెలంగాణ ప్రభుత్వం ప్రవేశపెడుతున్న సంక్షేమ పథకాలను ప్రతి ఇంటికీ చేరవేయడంలో యువజన కాంగ్రెస్ కార్యకర్తలు వారధిగా నిలవాలని పిలుపునిచ్చారు. త్వరలో జరగనున్న MPTC, ZPTC ఎన్నికలను ప్రతిష్టాత్మకంగా తీసుకోవాలని, అభ్యర్థుల గెలుపు కోసం యువశక్తి నడుం బిగించాలని సూచించారు. గ్రామ కమిటీల ద్వారా పార్టీకి కొత్త ఉత్సాహాన్ని తీసుకువస్తామని ఆయన పేర్కొన్నారు.

సమష్టి కృషితోనే విజయం

యువజన కాంగ్రెస్ శ్రేణులు సమన్వయంతో పనిచేస్తూ కాంగ్రెస్ పార్టీ పట్ల ప్రజల్లో ఉన్న నమ్మకాన్ని మరింత పెంచాలని కోరారు. ప్రభుత్వం అందిస్తున్న ఆరు గ్యారెంటీల అమలుపై ప్రజలకు అవగాహన కల్పించాలని బాధ్యులకు దిశానిర్దేశం చేశారు.

పాల్గొన్న నాయకులు: ఈ సమావేశంలో జిల్లా యూత్ కాంగ్రెస్ వైస్ ప్రెసిడెంట్ సాయి, అసెంబ్లీ యూత్ కాంగ్రెస్ వైస్ ప్రెసిడెంట్ కర్నె భూమరెడ్డి, జనరల్ సెక్రటరీ బోదసు జలపతి పాల్గొన్నారు. అలాగే జిల్లా యూత్ కాంగ్రెస్ సోషల్ మీడియా కో-ఆర్డినేటర్ బొద్దుల శివ కుమార్, మండల కో-ఆర్డినేటర్ ప్రహ్లాద హరీష్, పురుషోత్తం, ప్రమోద్ మరియు పలువురు యువజన కాంగ్రెస్ నాయకులు పాల్గొన్నారు.