-
ప్రభుత్వ వైఫల్యానికి నిరసనగా రంగంలోకి ఎమ్మెల్యే సుధీర్ రెడ్డి అనుచరులు
-
సొంత నిధులతో మూడు కాలనీలలో ఫాగ్గింగ్ చేయించిన చంద్రశేఖర్ రెడ్డి
చైతన్యపురి, ఏప్రిల్ 21 : చైతన్యపురి డివిజన్ పరిధిలో దోమల నివారణ చర్యలు చేపట్టడంలో కాంగ్రెస్ ప్రభుత్వం విఫలమైందని ఆరోపిస్తూ, ఎల్బీనగర్ ఎమ్మెల్యే దేవిరెడ్డి సుధీర్ రెడ్డి ఆదేశాల మేరకు బీఆర్ఎస్ శ్రేణులు చేపట్టిన ‘ఫాగ్గింగ్’ కార్యక్రమం మంగళవారం 13వ రోజుకు చేరుకుంది. ప్రజల ఆరోగ్యాన్ని దృష్టిలో ఉంచుకుని స్థానిక బీఆర్ఎస్ నాయకులు చంద్రశేఖర్ రెడ్డి తన సొంత నిధులతో ఈ కార్యక్రమాన్ని కొనసాగిస్తున్నారు.
ముమ్మరంగా ఫాగ్గింగ్
మంగళవారం డివిజన్లోని మున్సిపల్ కాలనీ, న్యూ దిల్సుఖ్నగర్ మరియు చైతన్యపురి కాలనీలలో ఫాగ్గింగ్ నిర్వహించారు. దోమల బెడద వల్ల ప్రజలు డెంగ్యూ, మలేరియా వంటి ప్రమాదకర వ్యాధుల బారిన పడే అవకాశం ఉందని, మున్సిపల్ యంత్రాంగం నిమ్మకు నీరెత్తినట్లు వ్యవహరిస్తుండటంతో తామే ఈ బాధ్యత తీసుకున్నామని నాయకులు పేర్కొన్నారు.
ప్రజా క్షేమమే లక్ష్యం
ఈ సందర్భంగా నాయకులు మాట్లాడుతూ.. ఎమ్మెల్యే సుధీర్ రెడ్డి పిలుపు మేరకు డివిజన్ అంతటా దోమల నివారణ పనులు చేపడుతున్నామని తెలిపారు. ప్రభుత్వం ఇప్పటికైనా స్పందించి పారిశుద్ధ్య పనులపై దృష్టి సారించాలని డిమాండ్ చేశారు. సొంత ఖర్చుతో కాలనీల శుభ్రతకు పాటుపడుతున్న చంద్రశేఖర్ రెడ్డిని కాలనీ వాసులు అభినందించారు.
పాల్గొన్న వారు: ఈ కార్యక్రమంలో మున్సిపల్ కాలనీ అధ్యక్షుడు శ్రీహరి, బీఆర్ఎస్ నాయకులు నరేష్, ప్రమోద్, పులి కిరణ్, నవీన్, శ్రీధర్, అఖిల్, చింటు, డేవిడ్ మరియు తదితరులు పాల్గొన్నారు.
About The Author
