-
ముఖ్య అతిథులుగా హాజరైన మాజీ కార్పొరేటర్లు లచ్చి రెడ్డి, రాజశేఖర్ రెడ్డి
-
నాణ్యమైన విద్యతో పాటు క్రమశిక్షణ అవసరం
బీఎన్ రెడ్డి నగర్, ఏప్రిల్ 20 (ప్రజా సాక్షి): బీఎన్ రెడ్డి నగర్ డివిజన్ పరిధిలోని టీచర్స్ కాలనీలో నూతనంగా ఏర్పాటు చేసిన ‘లిటిల్ విల్లే’ (LITTLE VILLE) పాఠశాల ప్రారంభోత్సవం సోమవారం ఘనంగా జరిగింది. ఈ కార్యక్రమానికి బీఎన్ రెడ్డి నగర్ మాజీ కార్పొరేటర్ మొద్దు లచ్చి రెడ్డి, లింగోజిగూడ మాజీ కార్పొరేటర్ ధర్పల్లి రాజశేఖర్ రెడ్డి మరియు కామినేని హాస్పిటల్స్ సూపరింటెండెంట్ అంజయ్య ముఖ్య అతిథులుగా హాజరై, పాఠశాలను ప్రారంభించారు.
విద్యార్థులే దేశ భవిష్యత్తు
ఈ సందర్భంగా అతిథులు మాట్లాడుతూ.. కాలనీ వాసులకు అందుబాటులో అత్యాధునిక వసతులతో కూడిన పాఠశాలను ప్రారంభించడం సంతోషకరమని పేర్కొన్నారు. విద్యార్థులకు కేవలం పుస్తక జ్ఞానమే కాకుండా, చిన్నతనం నుంచే నాణ్యమైన విద్య, క్రమశిక్షణ మరియు క్రీడల పట్ల మక్కువ కలిగించాలని యాజమాన్యానికి సూచించారు. విద్యార్థులు కష్టపడి చదివి తమ తల్లిదండ్రులకు, ఉపాధ్యాయులకు మరియు కాలనీకి మంచి పేరు తీసుకురావాలని ఆకాంక్షించారు.
పాల్గొన్న నేతలు, యాజమాన్యం
ఈ కార్యక్రమంలో నాయకులు శేఖర్ రెడ్డి, నవీన్ రెడ్డిలతో పాటు పాఠశాల నిర్వాహకులు సౌమ్య రెడ్డి, శ్రావణి, రేఖ, శ్వేత పాల్గొన్నారు. వీరితో పాటు డివిజన్ ప్రధాన కార్యదర్శి విష్ణువర్ధన్ రెడ్డి, కిషోర్, బీజేవైఎం అధ్యక్షుడు సురేష్ కుమార్ మరియు కాలనీ నివాసులు పెద్ద సంఖ్యలో హాజరై పాఠశాల యాజమాన్యానికి శుభాకాంక్షలు తెలిపారు.
About The Author
