హైదరాబాద్ ( నేషనలిస్ట్ వాయిస్) ఏప్రిల్ 12 : హైదరాబాద్ చింతలకుంట బస్ స్టాప్ వద్ద ట్రాఫిక్ ఇబ్బందులను తొలగించేందుకు డివైడర్ వెడల్పు తగ్గింపు పనులను ఎల్.బి.నగర్ ఎమ్మెల్యే దేవిరెడ్డి సుధీర్ రెడ్డి ట్రాఫిక్ అధికారులతో కలిసి క్షేత్రస్థాయిలో పరిశీలించారు. గతంలో పైలట్ ప్రాజెక్టు కింద నిర్మించిన ఈ డివైడర్ దాదాపు 12 ఫీట్ల వెడల్పు ఉండటంతో వాహనదారులకు ఇబ్బందిగా మారిందని, దీనిని తగ్గించడం ద్వారా సర్వీస్ రోడ్డు ప్రయాణం సాఫీగా సాగుతుందని ఆయన పేర్కొన్నారు. ఎమ్మెల్యే సూచనల మేరకు ఎంత మేర వెడల్పు తగ్గించాలనే అంశంపై ప్రణాళిక సిద్ధం చేస్తామని అధికారులు వెల్లడించారు. ఈ కార్యక్రమంలో ట్రాఫిక్ ఏసిపి నవీన్ రెడ్డి, సీఐ వెంకటేశ్వర్లు, యువ నాయకులు జక్కిడి రఘువీర్ రెడ్డి, పార్టీ అధ్యక్షులు రవి ముదిరాజ్ తదితరులు పాల్గొన్నారు. ప్రయాణికుల సౌకర్యార్థం యుద్ధ ప్రాతిపదికన ఈ మార్పులు చేపట్టాలని ఎమ్మెల్యే అధికారులను ఆదేశించారు.
About The Author
