-
ప్రజలంతా సుభిక్షంగా ఉండాలని ప్రార్థన
-
జాతర మహోత్సవంలో పాల్గొన్న ప్రజాప్రతినిధులు, కురుమ సంఘం నేతలు
జగిత్యాల, ఏప్రిల్ 30: జగిత్యాల పట్టణంలో పుల్ల వారి రేణుక ఎల్లమ్మ పట్నాలు, బోనాల జాతర మహోత్సవం గురువారం అత్యంత వైభవంగా జరిగింది. ఈ వేడుకల్లో జగిత్యాల శాసనసభ్యులు డాక్టర్ సంజయ్ కుమార్ పాల్గొని, అమ్మవారికి ప్రత్యేక పూజలు నిర్వహించారు.
ప్రజలకు సుఖశాంతులు కలగాలి
అమ్మవారిని దర్శించుకున్న అనంతరం ఎమ్మెల్యే మాట్లాడుతూ.. రేణుక ఎల్లమ్మ తల్లి దయతో నియోజకవర్గ ప్రజలందరూ ఆయురారోగ్యాలతో, సుఖశాంతులతో వర్ధిల్లాలని ఆకాంక్షించారు. భక్తిశ్రద్ధలతో జరుపుకునే ఇలాంటి జాతరలు మన సంస్కృతీ సంప్రదాయాలకు ప్రతీకలని కొనియాడారు. ఆలయానికి వచ్చే భక్తులకు ఎలాంటి ఇబ్బందులు కలగకుండా చూడాలని నిర్వాహకులకు సూచించారు.
పాల్గొన్న ప్రముఖులు
ఈ కార్యక్రమంలో స్థానిక కౌన్సిలర్లు దయాళ చంద్రకళ శంకర్, చెట్టే గంగాధర్, ఏనుగుల లావణ్య రాజు, పిట్ట ధర్మరాజు, కూతురు రాజేష్, కూతురు శేఖర్ పాల్గొన్నారు. అలాగే కురుమ సంఘం నాయకులు పుల్ల మల్లయ్య, గట్టు రాజు, గంగమల్లయ్య, చెట్టే భార్గవ్, కోరే గంగాధర్ మరియు కురుమ సంఘం సభ్యులు, భక్తులు పెద్ద సంఖ్యలో పాల్గొన్నారు. ఆలయ కమిటీ సభ్యులు ఎమ్మెల్యేను ఘనంగా సన్మానించి అమ్మవారి తీర్థ ప్రసాదాలను అందజేశారు.
About The Author
