ధర్పల్లి, ఏప్రిల్ 22
: ప్రధాని నరేంద్ర మోదీపై ఏఐసీసీ అధ్యక్షుడు మల్లికార్జున్ ఖర్గే చేసిన అనుచిత వ్యాఖ్యలకు నిరసనగా నిజామాబాద్ జిల్లా ధర్పల్లి మండల కేంద్రంలో బీజేపీ, బీజేవైఎం శ్రేణులు మంగళవారం ఆందోళన చేపట్టారు. స్థానిక గాంధీ చౌరస్తా వద్ద ఖర్గే దిష్టిబొమ్మను దహనం చేసి కాంగ్రెస్ పార్టీకి వ్యతిరేకంగా నినాదాలు చేశారు.
బీజేపీ నేతల ఆగ్రహం
ఈ సందర్భంగా బీజేపీ మండల అధ్యక్షుడు జీర్ర మహిపాల్ మరియు జిల్లా నాయకులు పాల్ది దాసు మాట్లాడుతూ.. దేశ ప్రధానిని ఉద్దేశించి ‘తీవ్రవాది’ అంటూ ఖర్గే మాట్లాడటం అత్యంత హేయమైన చర్య అని మండిపడ్డారు.
-
విశ్వగురువుగా మోదీ: ప్రపంచ దేశాలన్నీ నరేంద్ర మోదీ నాయకత్వాన్ని ఆదర్శంగా తీసుకుంటుంటే, ఓర్వలేక కాంగ్రెస్ నాయకులు ఇలాంటి నీచమైన విమర్శలు చేయడం సిగ్గుచేటు అని ధ్వజమెత్తారు.
-
క్షమాపణకు డిమాండ్: దేశ గౌరవాన్ని దిగజార్చేలా మాట్లాడిన ఖర్గే తక్షణమే బహిరంగ క్షమాపణ చెప్పాలని వారు డిమాండ్ చేశారు.
పాల్గొన్న నాయకులు: ఈ కార్యక్రమంలో మండల కోశాధికారి తాళ్ల రాము, కొమిరె గంగాధర్, పాలెం సుమన్, యూత్ ప్రెసిడెంట్ రాజశేఖర్, బాడిద రెడ్డి మల్లయ్య, చిలక నరేష్, మచ్చ రాహుల్, మనోజ్, భరత్, వివేక్, డొక్కా శీను, కార్తీక్ తదితరులు పాల్గొన్నారు.
About The Author
