Pawan Kalyan: పవన్ కల్యాణ్ 'ఓజీ' కాపీ సినిమానా?.. కన్నడ దర్శకుడి వ్యాఖ్యలతో దుమారం
Studio18 News - సినిమా, టీవీ & ఓటీటీ / : 'ఓజీ' చిత్రంపై కన్నడ దర్శకుడి వివాదాస్పద వ్యాఖ్యలు తన 'కబ్జా' సినిమాను స్ఫూర్తిగా తీసుకునే 'ఓజీ' తీశారన్న ఆర్. చంద్రు 'ఓజీ'లోని చాలా సన్నివేశాలు తన సినిమాను పోలి ఉన్నాయని ఆరోపణ పవర్ స్టార్ పవన్ కల్యాణ్ కథానాయకుడిగా, సుజీత్ దర్శకత్వంలో వచ్చిన బ్లాక్బస్టర్ చిత్రం 'ఓజీ'పై ఓ కొత్త వివాదం రాజుకుంది. ఈ సినిమాను తన చిత్రం నుంచి కాపీ కొట్టారని కన్నడ దర్శకుడు ఆర్. చంద్రు సంచలన ఆరోపణలు చేశారు. ఇటీవల ఓ ఇంటర్వ్యూలో ఆయన చేసిన ఈ వ్యాఖ్యలు ఇప్పుడు సోషల్ మీడియాలో తీవ్ర చర్చనీయాంశంగా మారాయి. వివరాల్లోకి వెళితే, 2023లో కన్నడ స్టార్ ఉపేంద్ర హీరోగా ఆర్. చంద్రు దర్శకత్వంలో 'కబ్జా' అనే సినిమా విడుదలైంది. తాజాగా ఆయన మాట్లాడుతూ, "పవన్ కల్యాణ్ నటించిన 'ఓజీ' చిత్రాన్ని నా 'కబ్జా' సినిమా స్ఫూర్తితోనే రూపొందించారు. అందులోని చాలా సన్నివేశాలు నా సినిమాను పోలి ఉంటాయి" అని వ్యాఖ్యానించారు. ఈ వ్యాఖ్యలతో పవన్ కల్యాణ్ అభిమానులు తీవ్ర ఆగ్రహం వ్యక్తం చేస్తున్నారు. గ్యాంగ్స్టర్ డ్రామాగా తెరకెక్కిన 'ఓజీ' చిత్రం బాక్సాఫీస్ వద్ద భారీ విజయాన్ని నమోదు చేసి, ప్రపంచవ్యాప్తంగా రూ. 300 కోట్లకు పైగా వసూళ్లు సాధించింది. పవన్ స్టైలిష్ లుక్, సుజీత్ టేకింగ్ ప్రేక్షకులను విశేషంగా ఆకట్టుకున్నాయి. అయితే, 'కబ్జా' చిత్రం కన్నడలో మిశ్రమ స్పందన తెచ్చుకోగా, తెలుగులో మాత్రం నిరాశపరిచింది. ఇలాంటి నేపథ్యంలో, ఓ భారీ విజయం సాధించిన సినిమాపై ఫ్లాప్ చిత్ర దర్శకుడు కాపీ ఆరోపణలు చేయడంపై సోషల్ మీడియాలో పవన్ అభిమానులు మండిపడుతున్నారు. చంద్రు వ్యాఖ్యలపై నెటిజన్లు తీవ్రంగా స్పందిస్తూ, ఆయనపై విమర్శలు గుప్పిస్తున్నారు.
Admin
Studio18 News
మరిన్ని వార్తలు
Developed By :
