Shobhita Dhulipala: పుకార్లకు చెక్ పెట్టిన శోభిత... పెళ్లి తర్వాత కొత్త సినిమా ప్రకటన
Studio18 News - సినిమా, టీవీ & ఓటీటీ / : పెళ్లి తర్వాత సినిమాలకు శోభిత దూరం అంటూ జోరుగా ప్రచారం నటనకు గుడ్బై చెప్పిందంటూ వ్యాపించిన వదంతులు ప్రెగ్నెంట్ అంటూ మరో ప్రచారం అన్ని రూమర్లకు చెక్ పెడుతూ కొత్త సినిమాకు గ్రీన్ సిగ్నల్ తమిళ దర్శకుడు పా.రంజిత్ చిత్రంలో హీరోయిన్గా అవకాశం నటుడు నాగచైతన్యతో వివాహం తర్వాత నటనకు దూరమయ్యారంటూ తనపై వస్తున్న వదంతులకు నటి శోభిత ధూళిపాళ ఒక్క ప్రకటనతో తెరదించారు. పెళ్లి తర్వాత కొంతకాలంగా సినిమాలకు విరామం తీసుకోవడంతో ఆమె కెరీర్పై రకరకాల ఊహాగానాలు చక్కర్లు కొట్టాయి. వాటన్నింటికీ చెక్ పెడుతూ, తాజాగా ఓ క్రేజీ తమిళ ప్రాజెక్టుకు ఆమె గ్రీన్ సిగ్నల్ ఇచ్చారు. గత కొంతకాలంగా శోభిత తన కెరీర్ను పక్కనపెట్టి, పూర్తిగా వైవాహిక జీవితంపైనే దృష్టి సారించారని ప్రచారం జరిగింది. నాగచైతన్యతో కలిసి అప్పుడప్పుడు కొన్ని ఫంక్షన్లలో కనిపిస్తున్నా, కొత్త సినిమాల ఊసు లేకపోవడంతో ఆమె ఇకపై నటించరనే వార్తలు బలపడ్డాయి. అంతేకాకుండా, ఆమె గర్భవతి అని, అందుకే బయటకు రావడం లేదని కూడా సోషల్ మీడియాలో కొన్ని కథనాలు వ్యాపించాయి. ఈ ఊహాగానాలన్నింటికీ ముగింపు పలుకుతూ, శోభిత ఓ భారీ చిత్రంలో నటించేందుకు అంగీకరించారు. విలక్షణ దర్శకుడిగా పేరుగాంచిన తమిళ డైరెక్టర్ పా. రంజిత్ దర్శకత్వంలో తెరకెక్కనున్న ఈ సినిమాలో ఆమె హీరోయిన్గా ఎంపికయ్యారు. ఈ చిత్రంలో హీరోగా దినేష్ నటిస్తుండగా, మరో ప్రముఖ నటుడు ఆర్య ఓ కీలక పాత్రలో కనిపించనున్నారు. ఈ కొత్త ప్రాజెక్టుతో, పెళ్లి తర్వాత కూడా తన కెరీర్ను కొనసాగించాలనే విషయంలో శోభిత చాలా స్పష్టంగా ఉన్నారని అర్థమవుతోంది. దీనికి నాగచైతన్య నుంచి కూడా పూర్తి మద్దతు లభిస్తోందని వారి సన్నిహిత వర్గాలు చెబుతున్నాయి. విభిన్నమైన కథలతో సినిమాలు తీసే పా. రంజిత్ చిత్రంలో శోభిత పాత్ర ఎలా ఉండనుందోనని ఇప్పుడు సర్వత్రా ఆసక్తి నెలకొంది.
Admin
Studio18 News
మరిన్ని వార్తలు
Developed By :
