Sonakshi Sinha: 'ధన పిశాచి'గా సోనాక్షి సిన్హా... సుధీర్ బాబు 'జటాధర' నుంచి కొత్త సాంగ్ విడుదల
Studio18 News - సినిమా, టీవీ & ఓటీటీ / : సుధీర్ బాబు, సోనాక్షి సిన్హా జంటగా 'జటాధర' దుర్గా పూజ సందర్భంగా 'ధన పిశాచి' పాట విడుదల ఇంతకు ముందెన్నడూ చూడని ఉగ్రరూపంలో సోనాక్షి ఇప్పటికే విడుదలైన 'సోల్ ఆఫ్ జటాధర'కు మంచి స్పందన తెలుగు, హిందీ భాషల్లో నవంబర్ 7న సినిమా రిలీజ్ టాలీవుడ్ హీరో సుధీర్ బాబు, బాలీవుడ్ నటి సోనాక్షి సిన్హా ప్రధాన పాత్రల్లో నటిస్తున్న ద్విభాషా చిత్రం 'జటాధర'. వెంకట్ కల్యాణ్, అభిషేక్ జైస్వాల్ దర్శకత్వంలో సూపర్ నేచురల్ థ్రిల్లర్గా రానున్న ఈ సినిమాపై ప్రేక్షకుల్లో మంచి ఆసక్తి నెలకొంది. తాజాగా దుర్గా పూజ పండుగను పురస్కరించుకుని, చిత్రబృందం సినిమా నుంచి 'ధన పిశాచి' అనే మరో కొత్త పాటను విడుదల చేసింది. ఈ పాట ప్రస్తుతం ప్రేక్షకులను విశేషంగా ఆకట్టుకుంటోంది. ఈ ధన పిశాచి పాటలో సోనాక్షి సిన్హా మునుపెన్నడూ చూడని ఉగ్రరూపంలో కనిపించి అందరినీ ఆశ్చర్యపరిచారు. ఆమె హావభావాలు, ఎనర్జిటిక్ డ్యాన్స్ మూమెంట్స్తో పాటకు కొత్త ఊపు తెచ్చారు. భారీ సెట్లో చిత్రీకరించిన ఈ పాటకు సమీర కొప్పికర్ సంగీతం అందించగా, మధుబంతి బాగ్చి అద్భుతంగా ఆలపించారు. ఈ పాట ఒకరకమైన తాండవ గీతంలా ఉందని, దైవిక స్త్రీ శక్తిని ఆవిష్కరించిందని సంగీత దర్శకురాలు సమీర కొప్పికర్ తెలిపారు. "మేము ఊహించిన శక్తి, పవర్ను ఈ పాట ద్వారా అద్భుతంగా పలికించగలిగాను. ఈ అనుభవం ఎంతో సంతృప్తినిచ్చింది" అని ఆమె వివరించారు. ఇటీవలే ఈ సినిమా నుంచి 'సోల్ ఆఫ్ జటాధర' అనే మరో థీమ్ సాంగ్ను కూడా మేకర్స్ విడుదల చేసిన విషయం తెలిసిందే. 'ఓం నమః శివాయ' మంత్రంతో సాగే ఆ గీతం సినిమాలోని ఆధ్యాత్మిక భావనను తెలియజేస్తూ ప్రేక్షకులను ఆకట్టుకుంది. రాజీవ్ రాజ్ స్వరపరిచిన ఆ పాటకు కూడా మంచి స్పందన లభించింది. ఈ చిత్రంలో దివ్యా ఖోస్లా, శిల్పా శిరోద్కర్, ఇందిరా కృష్ణ, రవి ప్రకాశ్ తదితరులు కీలక పాత్రలు పోషిస్తున్నారు. జీ స్టూడియోస్తో పాటు ఉమేశ్ కేఆర్ బన్సల్, ప్రేరణ అరోరా ఈ చిత్రాన్ని సమర్పిస్తున్నారు. తెలుగు, హిందీ భాషల్లో ఏకకాలంలో నిర్మితమైన 'జటధార' సినిమాను నవంబర్ 7న ప్రపంచవ్యాప్తంగా థియేటర్లలో విడుదల చేసేందుకు సన్నాహాలు చేస్తున్నారు.
Admin
Studio18 News
మరిన్ని వార్తలు
Developed By :
