Sreeleela: ఒకే చోట శ్రీలీల, కార్తీక్ ఆర్యన్ కుటుంబాలు.. డేటింగ్ వార్తలకు మళ్లీ రెక్కలు
Studio18 News - సినిమా, టీవీ & ఓటీటీ / : కార్తీక్ ఆర్యన్ ఇంట్లో జరిగిన గణేశ్ పూజలో శ్రీలీల వేడుకలో పాల్గొన్న శ్రీలీల కుటుంబ సభ్యులు సోషల్ మీడియాలో వైరల్ అవుతున్న ఫ్యామిలీ ఫొటోలు గతంలో కార్తీక్ తల్లి చేసిన వ్యాఖ్యలు మళ్లీ చర్చనీయాంశం డాక్టర్ కోడలు కావాలని కార్తీక్ తల్లి కోరిక బాలీవుడ్ యువ కథానాయకుడు కార్తీక్ ఆర్యన్, టాలీవుడ్ క్రేజీ హీరోయిన్ శ్రీలీల మధ్య ప్రేమాయణం నడుస్తోందంటూ వస్తున్న వార్తలకు మరింత బలం చేకూరింది. కేవలం తెరపైనే కాకుండా, తెర వెనుక కూడా వీరిద్దరి మధ్య ప్రత్యేక అనుబంధం ఉందని జరుగుతున్న ప్రచారానికి తాజాగా జరిగిన ఓ సంఘటన ఆజ్యం పోసింది. ఇటీవల ముంబైలోని కార్తీక్ ఆర్యన్ నివాసంలో జరిగిన గణేశ్ వేడుకలకు శ్రీలీల తన కుటుంబంతో సహా హాజరయ్యారు. ఇరు కుటుంబాలు కలిసి పండుగ జరుపుకోవడం ఇప్పుడు ఇండస్ట్రీ వర్గాల్లో హాట్ టాపిక్గా మారింది. ప్రస్తుతం వీరిద్దరూ అనురాగ్ బసు దర్శకత్వంలో ఓ ప్రేమకథా చిత్రంలో కలిసి నటిస్తున్నారు. అయితే ఈ సినిమా షూటింగ్ మొదలైనప్పటి నుంచి వీరి మధ్య స్నేహం కంటే ఎక్కువే ఉందని పుకార్లు షికార్లు చేస్తున్నాయి. ఈ నేపథ్యంలో, ఏకంగా కార్తీక్ ఇంటికి శ్రీలీల తన కుటుంబాన్ని తీసుకురావడం ఈ ఊహాగానాలకు మరింత ఊతమిచ్చింది. ఈ వేడుకలో ఇద్దరూ తెలుపు రంగు దుస్తులు ధరించి ఒకరికొకరు జోడీగా కనిపించారు. ఇరు కుటుంబాలు కలిసి దిగిన ఫొటోలు సోషల్ మీడియాలో వైరల్ అవుతున్నాయి. ఈ సందర్భంగా, గతంలో కార్తీక్ తల్లి మాల తివారీ చేసిన వ్యాఖ్యలను నెటిజన్లు గుర్తుచేసుకుంటున్నారు. మార్చిలో జరిగిన ఐఫా అవార్డుల వేడుకలో ఆమె మాట్లాడుతూ, "నా కొడుక్కి కోడలిగా ఓ మంచి డాక్టర్ రావాలి" అని తన మనసులోని మాటను బయటపెట్టారు. వృత్తిరీత్యా శ్రీలీల ఎంబీబీఎస్ పూర్తి చేసిన డాక్టర్ కావడంతో, కార్తీక్ తల్లి కోరుకున్న కోడలు ఈమెనే అంటూ అభిమానులు సోషల్ మీడియాలో కామెంట్లు పెడుతున్నారు. కుటుంబాలు ఇలా పండుగ వేళ కలుసుకోవడంతో వీరి బంధం పెళ్లి వరకు వెళ్తుందనే ప్రచారం జోరుగా సాగుతోంది. అయితే, ఇప్పటివరకు ఈ డేటింగ్ రూమర్లపై కార్తీక్ గానీ, శ్రీలీల గానీ అధికారికంగా స్పందించలేదు. అయినప్పటికీ, ఇలాంటి ఫ్యామిలీ ఈవెంట్లలో కలిసి కనిపించడం వారి మధ్య ఏదో బలమైన బంధం ఉందనే సంకేతాలను స్పష్టంగా పంపుతోంది.
Admin
Studio18 News
మరిన్ని వార్తలు
Developed By :
