పవన్ కల్యాణ్ ‘ఓజీ’లో నారా రోహిత్ కాబోయే భార్య శిరీష!
Studio18 News - సినిమా, టీవీ & ఓటీటీ / : పవర్ స్టార్ పవన్ కల్యాణ్ కథానాయకుడిగా, యువ దర్శకుడు సుజీత్ దర్శకత్వంలో రూపుదిద్దుకుంటున్న భారీ యాక్షన్ చిత్రం ‘ఓజీ’ గురించి ఒక ఆసక్తికరమైన విషయం వెలుగులోకి వచ్చింది. ఈ సినిమాలో నటుడు నారా రోహిత్ కాబోయే భార్య శిరీష నటిస్తున్నారన్న వార్త కొంతకాలంగా ప్రచారంలో ఉండగా, ఇప్పుడు ఈ విషయాన్ని నారా రోహిత్ స్వయంగా ధ్రువీకరించారు. బెల్లంకొండ సాయి శ్రీనివాస్, మంచు మనోజ్తో కలిసి నటించిన ‘భైరవం’ సినిమా ప్రచార కార్యక్రమాల్లో నారా రోహిత్ చురుగ్గా పాల్గొంటున్నారు. ఈ సినిమా ప్రమోషన్లలో భాగంగా సాయి ధరమ్ తేజ్తో కలిసి చిత్ర బృందం ఒక ప్రత్యేక ఇంటర్వ్యూలో పాల్గొంది. ఈ సందర్భంగా ‘ఓజీ’ సినిమా గురించి ఏదైనా తాజా సమాచారం పంచుకోవాలని సాయి ధరమ్ తేజ్ కోరగా, దీనికి సమాధానంగా నారా రోహిత్ "‘ఓజీ’లో నాకు కాబోయే భార్య శిరీష నటించింది. ఈ సినిమాలో తనకు ఒక కీలకమైన పాత్ర పోషించే అవకాశం దక్కింది" అని తెలిపారు. ఈ ప్రకటనతో శిరీష ‘ఓజీ’లో నటిస్తున్నారన్న వార్తలకు అధికారిక ముద్ర పడినట్లయింది. ఇన్ని రోజులు ఈ విషయాన్ని ఎందుకు చెప్పలేదంటూ మంచు మనోజ్ నారా రోహిత్ను సరదాగా ఆటపట్టించాడు. ‘ఓజీ’ సినిమా చిత్రీకరణ ప్రస్తుతం శరవేగంగా జరుగుతోంది. ముగింపు దశకు చేరుకున్న ఈ చిత్రాన్ని సెప్టెంబర్ 25న ప్రపంచవ్యాప్తంగా విడుదల చేయడానికి నిర్మాతలు సన్నాహాలు చేస్తున్నారు. పవర్ఫుల్ గ్యాంగ్స్టర్ యాక్షన్ డ్రామాగా తెరకెక్కుతున్న ఈ సినిమాలో పవన్ కల్యాణ్ మునుపెన్నడూ చూడని ఒక శక్తివంతమైన పాత్రలో కనిపించనున్నారని చిత్ర వర్గాలు చెబుతున్నాయి. బాలీవుడ్ నటుడు ఇమ్రాన్ హష్మీ ఈ చిత్రంలో ప్రతినాయకుడి పాత్రలో నటిస్తుండగా, ప్రియాంక అరుళ్ మోహన్ కథానాయికగా నటిస్తున్నారు.
Admin
Studio18 News
మరిన్ని వార్తలు
Developed By :
