మంగళగిరి కోర్టులో నందిగం సురేశ్ ను ప్రవేశపెట్టిన పోలీసులు
Studio18 News - ANDHRA PRADESH / : తెలుగుదేశం పార్టీ కార్యకర్తపై దాడికి పాల్పడ్డారన్న ఆరోపణలతో అరెస్టయిన వైసీపీ మాజీ ఎంపీ నందిగం సురేశ్ను పోలీసులు మంగళగిరి న్యాయస్థానంలో హాజరుపరిచారు. ఈ సందర్భంగా కోర్టు ప్రాంగణంలో ఎలాంటి అవాంఛనీయ ఘటనలు చోటుచేసుకోకుండా భారీ భద్రతను ఏర్పాటు చేశారు. వివరాల్లోకి వెళితే, గుంటూరు జిల్లా పరిధిలోని తుళ్లూరు మండలం ఉద్దండరాయునిపాలెంలో రాజు అనే టీడీపీ కార్యకర్తపై దాడి చేశారన్న అభియోగాలతో నందిగం సురేశ్ను పోలీసులు నిన్న అరెస్ట్ చేసిన సంగతి తెలిసిందే. న్యాయస్థానంలో హాజరుపరచడానికి ముందు, ప్రొటోకాల్ ప్రకారం నందిగం సురేశ్కు మంగళగిరిలోని ప్రభుత్వ ఆసుపత్రిలో వైద్యులు ఆరోగ్య పరీక్షలు నిర్వహించారు. ముఖ్యంగా ఆయన రక్తపోటు (బీపీ), మధుమేహం (షుగర్) స్థాయులను పరిశీలించినట్లు సమాచారం. వైద్య పరీక్షలు పూర్తయిన తర్వాత, సురేశ్ను ప్రత్యేక భద్రత నడుమ కోర్టుకు తరలించారు. నందిగం సురేశ్ను కోర్టులో ప్రవేశపెట్టనున్న నేపథ్యంలో, పోలీసులు అప్రమత్తమై కోర్టు ప్రాంగణం వద్ద కట్టుదిట్టమైన భద్రతా చర్యలు చేపట్టారు. కోర్టు ఆవరణలోకి ఇతరులను అనుమతించకుండా ఖాళీ చేయించారు. అదే సమయంలో, సురేశ్ అనుచరులు పెద్ద సంఖ్యలో అక్కడికి చేరుకోవడంతో, వారిని కూడా పోలీసులు అక్కడి నుంచి పంపించి వేశారు.
Admin
Studio18 News
మరిన్ని వార్తలు
Developed By :
