తల్లి అయినా తగ్గేదే లే అంటున్న దీపికా పదుకునే
Studio18 News - సినిమా, టీవీ & ఓటీటీ / : అందంతో పాటు అద్భుతమైన నటనతో కోట్లాది మంది అభిమానులను సంపాదించుకున్న బాలీవుడ్ స్టార్ హీరోయిన్ దీపికా పదుకునే... ప్రస్తుతం మాతృత్వపు మధురిమలను ఆస్వాదిస్తున్నారు. తల్లి అయిన తర్వాత కూడా ఆమె క్రేజ్ ఏ మాత్రం తగ్గలేదు. రెమ్యునరేషన్ విషయంలో ఇతర హీరోయిన్ల కంటే ఎక్కువ డిమాండ్ చేస్తోంది. పెళ్లి అయ్యాక కొంతకాలం సినిమాలకు విరామం ప్రకటించిన ఆమె, త్వరలోనే మళ్లీ కెమెరా ముందుకు రానున్నారనే వార్తలు జోరందుకున్నాయి. ముఖ్యంగా, రెబల్ స్టార్ ప్రభాస్ కథానాయకుడిగా, సెన్సేషనల్ డైరెక్టర్ సందీప్ రెడ్డి వంగా దర్శకత్వంలో తెరకెక్కనున్న ప్రతిష్ఠాత్మక చిత్రం ‘స్పిరిట్’లో దీపిక నటించనున్నారనే ప్రచారం సినీ వర్గాల్లో హాట్ టాపిక్గా మారింది. ‘స్పిరిట్’ సినిమా షూటింగ్ త్వరలోనే ప్రారంభం కానుందని సమాచారం. ఈ నేపథ్యంలో, ఈ చిత్రంలో ప్రభాస్ సరసన నటించేందుకు దీపికా అంగీకరించినట్లు, దీనికిగానూ ఆమె ఏకంగా రూ. 20 కోట్ల పారితోషికం అందుకోనున్నారని ఇండస్ట్రీలో గుసగుసలు వినిపిస్తున్నాయి. ఈ వార్తలపై అధికారిక ప్రకటన వెలువడనప్పటికీ, ఇదే నిజమైతే భారతీయ సినిమా చరిత్రలోనే ఒక నటికి ఇంత భారీ మొత్తంలో రెమ్యూనరేషన్ ఇవ్వడం ఇదే తొలిసారి అవుతుందని విశ్లేషకులు అభిప్రాయపడుతున్నారు. ఈ పరిణామం దీపికా క్రేజ్కు నిదర్శనమని ఆమె అభిమానులు సోషల్ మీడియాలో ఆనందం వ్యక్తం చేస్తూ, అభినందనలు తెలుపుతున్నారు.
Admin
Studio18 News
మరిన్ని వార్తలు
Developed By :
