రాజీవ్ యువ వికాసం.. కొత్త రూల్స్ రిలీజ్.. డబ్బులు ఎవరికి ఇస్తారు? ఎలా ఇస్తారు? ఆల్ డీటెయిల్స్..
ఈ పథకం కింద ఆరు కేటగిరీల్లో రాయితీలను అందిస్తారు.
Studio18 News - TELANGANA / : తెలంగాణ ప్రభుత్వం ప్రారంభించిన రాజీవ్ యువ వికాసం పథకానికి సంబంధించిన మార్గదర్శకాలను ఎస్సీ అభివృద్ధి శాఖ ముఖ్య కార్యదర్శి ఎన్.శ్రీధర్ రిలీజ్ చేశారు. ఎస్సీ, ఎస్టీ, బీసీ, మైనారిటీ వర్గాలకు చెందిన నిరుద్యోగ యువతకు ఆర్థిక సాయం అందించి, స్వయం ఉపాధిని ప్రోత్సహించడం ఈ పథకం ఉద్దేశం. ఈ పథకం కింద జిల్లాల్లో ఆయా వర్గాల జనాభా ప్రాతిపదికన యూనిట్లు ఖరారు చేయనున్నారు. జిల్లాలకు కేటాయించిన లక్ష్యాలను కలెక్టర్లు మంజూరు చేస్తారు. అలాగే, మున్సిపాలిటీల్లో సంక్షేమ వర్గాల జనాభా ఆధారంగా వీటి మంజూరు ఉంటుంది. 50 వేల రూపాయల యూనిట్‌కు 100% రాయితీ ఇస్తారు. అర్హులైన యువత తెలంగాణ ఓబీఎంఎంఎస్‌ వెబ్‌సైట్‌లో దరఖాస్తులు సమర్పించవచ్చు. వారి ఎంపిక మండల స్థాయిలో ఎంపీడీవోల ద్వారా, జిల్లా స్థాయిలో కలెక్టర్ ఆధ్వర్యంలోని కమిటీల ద్వారా జరుగుతుంది. ఇక ఈబీసీ వర్గాలకు ఈ పథకం ఆన్లైన్ దరఖాస్తును సంక్షేమ శాఖలు అందుబాటులో ఉంచాయి.
ఆన్లైన్ రిజిస్ట్రేషన్లు వచ్చేనెల 5 వరకు చేసుకోవచ్చు. మే 20లోపు మండల కమిటీలు దరఖాస్తులను పరిశీలిస్తాయి. అనంతరం అర్హులను ఎంపిక చేసి, ఆ లిస్టులను జిల్లా కమిటీలకు ఇస్తాయి. మే 21 – 31 మధ్య జిల్లా కమిటీలు ఆయా లిస్టులను పరిశీలిస్తాయి. జూన్‌ 2 – 9 మధ్య లబ్ధిదారులకు మంజూరు పత్రాలు ఇస్తారు. వ్యవసాయేతర స్కీమ్స్‌కు 2025, జులై 1 నాటికి 21-55 మధ్య వయసు ఉండాలి. వ్యవసాయంతో పాటు దాని ఆధారిత స్కీమ్స్‌కి 21-60 ఏళ్ల మధ్య వయసు ఉండాలి. ఇందుకోసం గ్రామీణ ప్రాంతాల్లో ఫ్యామిలీ వార్షిక ఆదాయం రూ.1.5 లక్షలు ఉండొచ్చు. ఇక పట్టణాల్లో రూ.2 లక్షలుగా దీన్ని నిర్ణయించారు. ఈ పథకం కింద ఆరు కేటగిరీల్లో రాయితీలను అందిస్తారు. వాటిలో మూడింటికి బ్యాంకు రుణం అనుసంధానం ఉంటుంది. మరో మూడింటికి సర్కారు కొంత రాయితీ ఇస్తుంది.. మిగిలిన డబ్బును లబ్ధిదారు పెట్టుకోవాలి. ఈ పత్రాలు సమర్పించాలి ఆధార్, రేషన్‌కార్డు లేదా ఐటీ సర్టిఫికెట్ కుల ధ్రువీకరణ సర్టిఫికెట్ డ్రైవింగ్ లైసెన్సును రవాణా పథకాల కోసం సమర్పించాలి పట్టాదారు పాసుపుస్తకం నకలును వ్యవసాయ పథకాల కోసం సమర్పించాలి సదరం సర్టిఫికెట్‌ను దివ్యాంగులు సమర్పించాలి అలాగే, దరఖాస్తుదారులు పాస్‌పోర్టుసైజు ఫొటోను అప్‌లోడ్‌ చేయాలి రాయితీ డీటెయిల్స్ రూ.50 వేల వరకు యూనిట్ విలువకు రాయితీ 100% ఉంటుంది. బ్యాంకు రుణం ఉండదు. రూ.50,001- రూ. లక్ష మధ్య యూనిట్ విలువకు రాయితీ 90%, బ్యాంకు రుణం 10%. రూ. 1,00,001-రూ. 2లక్షలు మధ్య యూనిట్ విలువకు రాయితీ 80%, బ్యాంకు రుణం 20%. రూ.2,00,001-రూ. 4లక్షల మధ్య యూనిట్ విలువకు రాయితీ 70%, బ్యాంకు రుణం 30%.
Admin
Studio18 News
మరిన్ని వార్తలు
Developed By :
