జాతిరత్నాలు దర్శకుడితో విష్వక్సేన్ 'ఫంకీ' చిత్రం ప్రారంభం
విష్వక్సేన్ హీరోగా 'ఫంకీ' సినిమా ప్రారంభం అనుదీప్ దర్శకత్వంలో మరో ఎంటర్టైనర్ జనవరి నుంచి రెగ్యులర్ షూటింగ్ ప్రారంభం
Studio18 News - సినిమా, టీవీ & ఓటీటీ / : 'జాతిరత్నాలు' వంటి హిలేరియస్ ఎంటర్టైనర్తో దర్శకుడిగా అందరి ప్రశంసలు అందుకున్న అనుదీప్ తన తాజా చిత్రానికి శ్రీకారం చుట్టాడు. ఇప్పటి వరకు మాస్ సినిమాలు చేస్తూ వచ్చిన హీరో విష్వక్సేన్ కథానాయకుడిగా అనుదీప్ దర్శకత్వంలో రూపొందుతోన్న ఈ తాజా చిత్రం పూజా కార్యక్రమాలు బుధవారం నాడు హైదరాబాద్లో ప్రారంభమయ్యాయి. సితార ఎంటర్టైన్మెంట్స్, ఫార్చూన్ ఫోర్ సినిమాస్ సంస్థలపై సూర్యదేవర నాగవంశీ, సాయి సౌజన్య ఈ చిత్రాన్ని నిర్మిస్తున్నారు. 'ఫంకీ' అనే గమ్మతైన టైటిల్తో తెరకెక్కనున్న ఈ చిత్రం ముహుర్తపు సన్నివేశానికి నాగవంశీ క్లాప్ నివ్వగా, కళ్యాణ్ శంకర్ కెమెరా స్విచ్చాన్ చేశారు. నిర్మాత నాగవంశీ బౌండెడ్ స్క్రిప్ట్ను చిత్ర బృందానికి అందజేశారు. ఈ చిత్రం ప్రారంభం సందర్భంగా విడుదల చేసిన పోస్టర్ కూడా అందర్ని ఆకట్టుకుంటోంది. 'ఫంకీ' టైటిల్తో పాటు ఈ సినిమా జానర్ ఫ్యామిలీ ఎంటర్టైనర్ అని తెలిసేటట్లుగా పోస్టర్ డిజైన్ చేసిన విధానం బాగుంది. పూర్తి వినోదాత్మక కుటుంబ కథా చిత్రంగా రూపొందనున్న ఈ చిత్రంలో విష్వక్సేన్ పాత్ర మునుపెన్నడు చూడని విధంగా ఉంటుందని చిత్ర బృందం చెబుతోంది. 2025 జనవరి నుంచి రెగ్యులర్ను షూటింగ్ను ప్రారంభిస్తామని చిత్ర యూనిట్ తెలిపింది. ఈ చిత్రానికి సంగీతం: భీమ్స్ సిసిరోలియో, కూర్పు: నవీన్ నూలి, ఛాయాగ్రహణం: సురేష్ సారంగం
Also Read : మోహన్ బాబు ఆరోగ్య పరిస్థితిపై హెల్త్ బులెటిన్ విడుదల
Admin
Studio18 News
మరిన్ని వార్తలు
Developed By :
