Baghira: కేజీఎఫ్ నిర్మాత అందిస్తున్న మరో భారీ యాక్షన్ ఎంటర్టైనర్ 'బఘీర'
Studio18 News - సినిమా, టీవీ & ఓటీటీ / : కేజీఎఫ్, సలార్ లాంటి భారీ చిత్రాలను నిర్మించిన హోంబలే ఫిలింస్ అధినేత విజయ్ కిరగందూర్ నిర్మించిన మరో యాక్షన్ ఎంటర్టైనర్ 'బఘీర', ఉగ్రమ్ ఫేమ్ శ్రీమురళి కథానాయకుడిగా నటించిన ఈ చిత్రానికి ప్రముఖ దర్శకుడు ప్రశాంత్ నీల్ కథ అందించడం విశేషం. డాక్టర్ సూరి దర్శకత్వంలో తెరకెక్కిన ఈ చిత్రం అక్టోబర్ 31న తెలుగు, కన్నడ భాషల్లో విడుదల కానుంది. ఈ చిత్రం నుంచి ఫస్ట్ లిరికల్ సాంగ్ రుధిర హరను ఈ నెల 17న విడుదల చేస్తున్నారు. ఈ చిత్రం థ్రిలింగ్ యాక్షన్ ఏపిసోడ్స్తో, ఆకట్టుకునే విజువల్స్తో వుండబోతుందని, హీరో శ్రీమురళి పాత్ర ప్రేక్షకులను సరికొత్త అనుభూతికి గురిచేసే విధంగా ఉంటుందని అంటున్నారు నిర్మాత. ఈ చిత్రాన్ని టాలీవుడ్లో ప్రముఖ నిర్మాణ సంస్థ ఏపియన్ సురేష్ ఎంటర్టైన్మెంట్ ఎల్ఎల్పీ తెలుగులో విడుదల చేస్తుంది. రుక్మిణి వసంత్, ప్రకాష్ రాజ్, రంగాయణ రఘు, అచ్యుత్ కుమార్, గరుడ రామ్ వంటి ప్రతిభావంతులైన నటీనటులు ముఖ్యమైన పాత్రలు పోషిస్తున్న ఈ చిత్రానికి ఎజె శెట్టి డీవోపీ కాగా, కాంతార ఫేమ్ బి అజనీష్ లోక్నాథ్ సంగీతం అందిస్తున్నారు.
Admin
Studio18 News
మరిన్ని వార్తలు
Developed By :
