AP Rains: ఏపీలో భారీ వర్షాలు.. ఈ ప్రాంతాల వారికి అలెర్ట్
Studio18 News - ఆంధ్రప్రదేశ్ / : ఆగ్నేయ బంగాళాఖాతంలో అల్పపీడనం తీవ్ర అల్పపీడనంగా మారింది. రాగల 24 గంటల్లో వాయుగుండంగా మారే ఆవకాశం ఉంది. రాగల 48 గంటల పాటు దక్షిణాకోస్తాంద్రలో భారీ నుంచి అతిభారీ వర్షాలు, ఉత్తర కోస్తాంధ్రలో మోస్తారు నుంచి భారీ వర్షాలు కురిసే ఆవకాశం ఉంది. తీరం వెంబడి 40 నుంచి 50 కిలోమీటర్ల వేగంతో గాలులు వీస్తాయి. మత్స్యకారులు వేటకు వెళ్లరాదని విశాఖ తుఫాన్ హెచ్చరికల కేంద్రం చెప్పింది. ఇవాళ పశ్చిమ గోదావరి, ఏలూరు, కృష్ణా, ఎన్టీఆర్, గుంటూరు, బాపట్ల, పల్నాడు, ప్రకాశం, నెల్లూరు, కర్నూలు, నంద్యాల, అన్నమయ్య, చిత్తూరు, తిరుపతి జిల్లాల్లోని పలు ప్రాంతాల్లోవర్షాలు కురిసే అవకాశం ఉంది. అలాగే, శ్రీకాకుళం, విజయనగరం, పార్వతీపురం మన్యం, అల్లూరి సీతారామరాజు, విశాఖపట్నం సహా పలు ప్రాంతాల్లో మోస్తరు వర్షాలు కురియొచ్చని వాతావరణ శాఖ అధికారులు తెలిపారు. నెల్లూరు జిల్లాలో జిల్లాలో సగటు వర్షపాతం 96.8 మి.మీ.గా నమోదైంది. జలదంకిలో అత్యధికంగా వర్షపాతం 177.6 మి.మీ.గా, సీతారాంపురంలో అత్యల్ప వర్షపాతం 40.4 మి.మీ.గా నమోదైంది. అధికార యంత్రాంగం అప్రమత్తమైంది. ఎప్పటికప్పుడు మంత్రి నారాయణ అధికారులతో సమీక్ష నిర్వహిస్తున్నారు. జీరో హ్యూమన్ లాస్, మినిమం డామేజ్ ఉండేలా చర్యలు చేపట్టాలని ఆదేశాలు ఇచ్చారు. పలుచోట్ల పునరావాస కేంద్రాలు ఏర్పాటు చేశారు. ఎలాంటి పరిస్థితిని ఎదుర్కొనేందుకు సిద్ధంగా ఉండాలని అధికారులకు కలెక్టర్ ఆనంద్ సూచించారు. స్కూల్స్, జూనియర్ కాలేజీలకు కలెర్టర్ సెలవు ప్రకటించారు. ముంపు ప్రాంతాల ప్రజలను సురక్షిత ప్రాంతాలకు తరలించేలా చర్యలు తీసుకోనున్నారు.
Admin
Studio18 News
