Rashmika Mandanna: 19 ఏళ్ల వయసులో రష్మిక తొలి ఆడిషన్..
Studio18 News - సినిమా, టీవీ & ఓటీటీ / : పుష్ప సినిమాతో ఒక్కసారిగా పాన్ ఇండియా స్టార్ అయిపోయిన రష్మిక మందన్న 19 ఏళ్ల వయసులో హాజరైన ఓ ఆడిషన్కు సంబంధించిన వీడియో ఒకటి వెలుగులోకి వచ్చి అభిమానులను కట్టిపడేస్తోంది. 2014లో కాలేజీ రోజుల్లో ‘ఫ్రెష్ ఫేస్ కాంపిటిషన్’ విజేతగా నిలిచిన రష్మిక 2016లో తెరంగేట్రం చేసింది. 2017లో సహ నటుడు రక్షిత్ షెట్టితో ఎంగేజ్మెంట్ అయినా వ్యక్తిగత కారణాలతో 2018లో అది రద్దయింది. 2018లో ‘చలో’ సినిమాతో తెలుగు చిత్ర పరిశ్రమలో కాలు మోపిన రష్మిక ఆ తర్వాత ‘గీత గోవిందం’, ‘సరిలేరు నీకెవ్వరు’, ‘సీతా రామం’, ‘పుష్ప’ వంటి సినిమాలతో తనకంటూ ఓ ప్రత్యేక స్థానాన్ని సంపాదించుకుంది. ఆ తర్వాత దక్షిణాదిలోని పలు భాషల్లోనూ సినిమాలు చేసింది. 2022లో ‘గుడ్ బై’ సినిమాతో బాలీవుడ్లోనూ అడుగుపెట్టింది. ప్రస్తుతం ఆమె ‘పుష్ప: ది రూల్’, కుబేర, రెయిన్ బో, ద గాళ్ ఫ్రెండ్, చావా, సికందర్ వంటి సినిమాలు చేస్తోంది . తాజాగా వైరల్ అవుతున్న రష్మిక తొలి ఆడిషన్ వీడియో క్లిప్లో ఆమె తనను తాను పరిచయం చేసుకుంటూ తన వయసు 19 ఏళ్లని, కాలేజీ చేస్తున్నానని చెప్పుకొచ్చింది. ఆ సమయంలో కొంత ఉద్వేగంగా కనిపించింది. కన్నడలో మాట్లాడాలని నిర్వాహకులు కోరగా రష్మిక కొంత తడబడింది. ‘‘నాకు అర్థం కాలేదు. నేను చేయలేను’ అని చెప్పుకొచ్చింది. అయితే, వీడియో చివరికొచ్చేసరికి మాత్రం ఆత్మవిశ్వాసంతో కనిపించింది. అంతేకాదు, ‘ఆజా నాచ్లే’ అనే బాలీవుడ్ పాటకు డ్యాన్స్ కూడా చేసింది.
Admin
Studio18 News
మరిన్ని వార్తలు
Developed By :
