Samantha : చాన్నాళ్ల తరువాత సినీ మీడియా ముందుకు సమంత.. అలియా కోసం..
Studio18 News - సినిమా, టీవీ & ఓటీటీ / : బాలీవుడు నటీనటులు అలియా భట్, వేదాంగ్ రైనా ప్రధాన పాత్రల్లో నటించిన మూవీ జిగ్రా. వాసన్ బాలా దర్శకత్వంలో ఈ మూవీ తెరకెక్కుతోంది. కరణ్ జోహార్ ఈ చిత్రాన్ని నిర్మిస్తున్నారు. తమ్ముడు కోసం అక్క చేసే పోరాటం నేపథ్యంలో ఈ మూవీ రూపుదిద్దుకుంటోంది. ఈ చిత్రం అక్టోబర్ 11న హిందీతో పాటు తెలుగులోనూ ప్రేక్షకుల ముందుకు రాబోతుంది. ఈ నేపథ్యంలో చిత్ర బృందం ప్రమోషల్ కార్యక్రమాల్లో వేగంగా పెంచింది. అందులో భాగంగా ఈ చిత్ర ప్రీ రిలీజ్ ఈ వెంట్ను అక్టోబర్ 8 (మంగళవారం) హైదరాబాద్లో నిర్వహించనున్నారు. పార్క్ హయత్ హోటల్లో జరగనున్న ఈ వేడుకకు ముఖ్య అతిథులు దర్శకుడు త్రివిక్రమ్ శ్రీనివాస్, నటి సమంతతో పాటు నటుడు రానా కూడా రానున్నారు. ఈ విషయాన్ని తెలియజేస్తూ చిత్ర బృందం ఓ పోస్టర్ను విడుదల చేసింది. ఇదిలా ఉంటే.. ఆరోగ్యం కోసం కొన్నాళ్ళు సినిమాలకు గ్యాప్ ఇచ్చిన సమంత ఇప్పుడిప్పుడే మళ్ళీ యాక్టివ్ అవుతుంది. చాన్నాళ్ల తరువాత ఓ మూవీ ప్రీరిలీజ్ ఈవెంట్కు ఆమె హజరు అవుతోంది.
Admin
Studio18 News
మరిన్ని వార్తలు
Developed By :
