కన్ను పడితే ఖతమే..! ప్రపంచంలోనే శక్తివంతమైన గూఢచర సంస్థలు ఏవో తెలుసా..
Studio18 News - అంతర్జాతీయం / : Top Intelligence Agencies : ప్రతి దేశానికి ఒక సొంత ఇంటెలిజెన్స్ ఏజెన్సీ (గూఢచార సంస్థ లేదా సీక్రెట్ సర్వీస్ లేదా నిఘా సంస్థ) ఉంటుందన్న సంగతి తెలిసిందే. ఇవి చాలా పవర్ ఫుల్ అని చెప్పాలి. దేశ భద్రతలో ఈ నిఘా సంస్థలు కీ రోల్ ప్లే చేస్తాయి. తమ శత్రువులపై నిరంతరం నిఘా ఉంచుతాయి. వాటి కదలికలను గమనిస్తుంటాయి. తమ దేశ భద్రతకు ఏదైనా ముప్పు ఉంటే వెంటనే పసిగడతాయి ఈ సీక్రెట్ సర్వీస్ లు. తమ దేశం జోలికి వచ్చే శత్రువుల అంతు చూస్తాయి ఈ నిఘా సంస్థలు. మూడో కంటికి తెలియకుండా శ్రతువును మట్టుబెట్టేస్తాయి. తద్వారా దేశ భద్రతలో కీలక రోల్ ప్లే చేస్తున్నాయి ఇంటెలిజెన్స్ ఏజెన్సీలు. మరి, ప్రపంచంలోని అగ్ర గూఢచార సంస్థలు ఏవో మీకు తెలుసా.. 1. రీసెర్చ్ అండ్ అనాలసిస్ వింగ్ (RAW-రా)… ఇది భారత్ కు చెందిన ఇంటెలిజెన్స్ ఏజెన్సీ. విదేశీ గూఢచార సంస్థ. భారత్-చైనా, భారత్-పాకిస్తాన్ యుద్ధం తర్వాత విదేశాలపై గట్టి నిఘా ఉంచేందుకు ఏర్పాటు చేసిన సంస్థ ఇది. ఇతర దేశాల నుంచి మన దేశ భద్రతకు ఉన్న ముప్పును ముందే పసిగట్టడం దీని బాధ్యత. 2. మొసాద్- వరల్డ్ లోనే అత్యంత పవర్ ఫుల్ ఇంటెలిజెన్స్ ఏజెన్సీ. ఇజ్రాయెల్ పొలిటికల్ ఇంటెలిజెన్స్ సర్వీస్గా 1947లో ఏర్పడిన ఈ స్పై ఏజెన్సీ.. ఇప్పుడు ఇజ్రాయెల్ చేసే యుద్ధాల్లో కీలక పాత్ర పోషిస్తోంది. ఇజ్రాయెల్ కి హాని తలపెట్టాలని చూసే వారి అంతు చూస్తుందీ ఈ సీక్రెట్ సర్వీస్. మూడో కంటికి తెలియకుండా టార్గెట్ ను ఫినిష్ చేయడంలో మొసాద్ కు సాటిలేరు. 3. CIA- సెంట్రల్ ఇంటెలిజెన్స్ ఏజెన్సీ.. సీఐఏ అమెరికాకు చెందిన ఫారిన్ ఇంటెలిజెన్స్ ఏజెన్సీ. విధాన నిర్ణేతలకు జాతీయ భద్రతా గూఢచారాన్ని అందించే బాధ్యత ఈ సీక్రెట్ సర్వీస్ దే. 4. FSB – రష్యాకి చెందిన ప్రధాన సెక్యూరిటీ ఏజెన్సీ. కౌంటర్ ఇంటెలిజెన్స్, కౌంటర్ టెర్రరిజమ్, అంతర్గత భద్రత.. FSB కీలక బాధ్యతలు. 5. MSS – ఇది చైనాకు చెందిన ప్రాధమిక ఇంటెలిజెన్స్, సెక్యూరిటీ ఏజెన్సీ. దేశీయ, విదేశీ గూఢచర సేకరణ దీని బాధ్యత. 6. M16- యునైటెడ్ కింగ్ డమ్ ఫారిన్ ఇంటెలిజెన్స్ సర్వీస్. అంతర్జాతీయ అంశాలపై ప్రభుత్వానికి గూఢచార సేవలు అందించే సంస్థ. 7. ISI – పాకిస్తాన్ కు చెందిన ప్రీమియర్ ఇంటెలిజెన్స్ ఏజెన్సీ. గూఢచార సేవలు, విశ్లేషణ, కోవర్టు ఆపరేషన్లు దీని బాధ్యత.
Admin
Studio18 News
మరిన్ని వార్తలు
Developed By :
