Saripodhaa Sanivaaram : దసరా తర్వాత మరో వంద కోట్లు సాధించిన నాని.. లెక్క సరిపోయింది..
Studio18 News - సినిమా, టీవీ & ఓటీటీ / : Saripodhaa Sanivaaram : ప్రస్తుతం టాలీవుడ్ లో నాని హవా నడుస్తుంది. ఓ పక్క వరుస సినిమాలు బ్యాక్ టు బ్యాక్ రిలీజ్ చేస్తున్నారు. మరో పక్క రిలీజ్ అయిన ప్రతి సినిమా ప్రేక్షకులని మెప్పిస్తుంది. ఇంకో పక్క నాని సినిమాలకు అవార్డుల వర్షం కురుస్తుంది. దీంతో నాని ఫ్యాన్స్ సంతోషం వ్యక్తం చేస్తున్నారు. ఈ క్రమంలో ఫ్యాన్స్ కి మరో గుడ్ న్యూస్ చెప్పారు. నాని ఇటీవల ‘సరిపోదా శనివారం’ సినిమాతో ప్రేక్షకుల ముందుకు వచ్చి మంచి హిట్ కొట్టాడు. కలెక్షన్స్ కూడా భారీగా వచ్చాయి ఈ సినిమాకు. ఈ సినిమాలో SJ సూర్య విలనిజంతో అదరగొట్టాడు. తాజాగా నాని సరిపోదా శనివారం సినిమా 100 కోట్ల గ్రాస్ కలెక్షన్స్ వసూలు చేసింది. ఈ విషయాన్ని మూవీ యూనిట్ అధికారికంగా ప్రకటించింది. బాక్సాఫీస్ శివ తాండవం అంటూ 100 కోట్ల స్పెషల్ పోస్టర్ రిలీజ్ చేసింది మూవీ యూనిట్. నాని ఇటీవలే దసరా సినిమాతో 100 కోట్లకు పైగా గ్రాస్ కలెక్షన్స్ వసూలు చేసాడు. ఆ తర్వాత హాయ్ నాన్న సినిమా 80 కోట్లు వసూలు చేసి కొద్దిలో మిస్ అయిపొయింది 100 కోట్ల టార్గెట్. ఇప్పుడు మళ్ళీ సరిపోదా శనివారం సినిమాతో మరోసారి 100 కోట్ల టార్గెట్ సాధించాడు నాని. ఇక నెక్స్ట్ వచ్చే హిట్ 3 సినిమా కూడా 100 కోట్లకు పైగా సాధిస్తుందని ఫ్యాన్స్ అంచనాలు పెంచుకుంటున్నారు.
Admin
Studio18 News
మరిన్ని వార్తలు
Developed By :
