Nani US Record : అమెరికాలో నాని రికార్డ్.. ఏకంగా 10 సినిమాలతో.. మహేష్ రికార్డ్ బద్దలవ్వడం ఖాయం..
Studio18 News - సినిమా, టీవీ & ఓటీటీ / : Nani US Record : మన తెలుగు సినిమాలకు అమెరికాలో మంచి డిమాండ్ ఉన్న సంగతి తెలిసిందే. మన సినిమాలన్నీ అక్కడ కూడా రిలీజ్ అవుతాయి. అక్కడ కూడా భారీగానే కలెక్షన్స్ సాధిస్తాయి. అమెరికా మార్కెట్ ని కూడా టార్గెట్ చేసుకొని మన సినిమాలు రిలీజ్ చేస్తున్నారు. ఈ క్రమంలో అమెరికా కలెక్షన్స్ కూడా రికార్డుల్లో జత చేరుస్తున్నారు. అమెరికాలో మన తెలుగు సినిమా 1 మిలియన్ డాలర్స్ సాధించింది అంటే అక్కడ హిట్ అయినట్టే. అమెరికాలో 1 మిలియన్ డాలర్స్ అంటే మన రూపాయల్లో దాదాపు 8 కోట్లు కలెక్ట్ చేసినట్టే. ఇటీవల 1 మిలియన్ డాలర్స్ మించి మరీ కొన్ని సినిమాలు కలెక్ట్ చేస్తున్నాయి. అయితే ఇప్పటివరకు అమెరికాలో ఎక్కువ 1 మిలియన్ డాలర్ సినిమాలు సాధించిన హీరో మహేష్ బాబు. మహేష్ బాబు ఏకంగా 12 సినిమాలకు 1 మిలియన్ డాలర్స్ కలెక్షన్స్ సాధించారు. దూకుడు నుంచి గుంటూరు కారం వరకు అలా దూసుకెళ్తూనే ఉన్నారు. మహేష్ బాబు తర్వాత నానినే ఎక్కువ 1 మిలియన్ డాలర్స్ సాధించిన లిస్ట్ లో ఉన్నారు. తాజాగా రిలీజయిన సరిపోదా శనివారం సినిమా నిన్నటితో అమెరికాలో 1 మిలియన్ డాలర్స్ పైనే కలెక్ట్ చేసింది. దీంతో నాని అమెరికాలో ఇప్పటివరకు మొత్తం ఏకంగా 10 సినిమాలతో 1 మిలియన్ డాలర్స్ కలెక్ట్ చేసాడు. నాని తర్వాతే మన స్టార్ హీరోలంతా ఉన్నారు. అయితే నాని మహేష్ బాబు రికార్డుని ఈజీగానే బ్రేక్ చేస్తాడనిపిస్తుంది. మహేష్ – రాజమౌళి సినిమా రావడానికి కనీసం నాలుగేళ్లు పడుతుంది. ఈ గ్యాప్ లో నాని ఇంకో నాలుగు సినిమాలు తీసి ఈ నాలుగు కూడా 1 మిలియన్ డాలర్స్ సాధించి మహేష్ రికార్డుని బద్దలు కొట్టేస్తాడు. మొత్తానికి అమెరికాలో 1 మిలియన్ రికార్డ్స్ లో నాని ప్రతి సినిమాతో దూసుకెళ్తున్నారు.
Admin
Studio18 News
మరిన్ని వార్తలు
Developed By :
