Viral Video: అమ్మాయితో వెళ్తూ.. 140 స్పీడుతో కారును నడిపి బైకును గుద్ది పడేసిన సోషల్ మీడియా స్టార్
Studio18 News - జాతీయం / : ఓ సోషల్ మీడియా స్టార్ 140 స్పీడుతో కారును నడిపి బైకును గుద్ది పడేసి, ఆగకుండా దూసుకెళ్లాడు. ఆ సమయంలో ఓ అమ్మాయి అతడి పక్కనే ఉంది. మెల్లిగా వెళ్లాలని అతడికి ఆమె చెబుతున్నా అతడు వినిపించుకోకుండా నిర్లక్ష్యంగా డ్రైవింగ్ చేశాడు. ఫిట్నెస్ ‘ఇన్ఫ్లుయెన్సర్’ రజత్ దలాల్ పాల్పడ్డ ఈ చర్యకు సంబంధించిన వీడియో సామాజిక మాధ్యమాల్లో వైరల్ అవుతోంది. రజత్ పై గతంలోనూ ఓ కేసు ఉంది. ఇటీవల అతడు ఢిల్లీ-ఎన్సీఆర్ ప్రాంతంలో అతి వేగంగా కారు నడుపుతూ వెళ్లాడు. అతడి పక్కన ఓ అమ్మాయి, వెనుక సీట్లో మరో ప్రయాణికుడు కూర్చుకున్నాడు. వెనుక సీట్లో కూర్చున్న ప్రయాణికుడు ఈ వీడియోను రికార్డు చేశాడు. రద్దీగా ఉండే హైవే గుండా నిర్లక్ష్యంగా కారును డ్రైవింగ్ చేస్తూ దలాల్ 143 కి.మీ.వేగంతో కారును నడిపాడు. ఆ సమయంలో ఓ బైకుని ఢీకొట్టినప్పుడు పెద్ద చప్పుడు వినిపించింది. ‘‘సర్, సర్.. సర్.. అతను కింద పడిపోయాడు, దయచేసి ఇంత వేగం వద్దు’’ అని పక్కనే కూర్చున్న అమ్మాయి అనడం వీడియోలో వినపడింది. అతను పడిపోయినా ఫర్వాలేదంటూ రజత్ దలాల్ ఏ మాత్రం పట్టించుకోకుండా అదే వేగంగా ముందుకు దూసుకుపోయాడు. రజత్ దలాల్కు ఫరీదాబాద్ పోలీసులు చలాన్ జారీ చేశారు.
Admin
Studio18 News
మరిన్ని వార్తలు
Developed By :
