Rashmika Mandanna : డిసెంబర్ 6న రష్మికకు పెద్ద పరీక్షే..! ఆ రోజు ఏం జరగనుందంటే..?
Studio18 News - సినిమా, టీవీ & ఓటీటీ / : నేషనల్ క్రష్ రష్మిక మందన్న క్రేజ్ మామూలుగా లేదు. ఇటు టాలీవుడ్లో అటు బాలీవుడ్లో నటిస్తూ యమా బిజీగా ఉంది. కాగా.. ఆమె నటించిన రెండు భారీ చిత్రాలు ఒకే రోజున విడుదల కానున్నాయి. ప్రస్తుతం ఈ వార్త సోషల్ మీడియాలో వైరల్గా మారింది. ఇందులో ఒకటి టాలీవుడ్ మూవీ ‘పుష్ప 2’ కాగా మరొకటి బాలీవుడ్ మూవీ ‘ఛావా’. ఐకాన్ అల్లు అర్జున్ హీరోగా సుకుమార్ దర్శకత్వంలో తెరకెక్కిన ‘పుష్ప’ చిత్రంలో రష్మిక హీరోయిన్గా నటించింది. ఈ సినిమా బ్లాక్ బస్టర్ విజయం సాధించడంతో రష్మికకు మంచి పేరు వచ్చింది. ప్రస్తుతం ఈ చిత్రానికి సీక్వెల్గా ‘పుష్ప-2’ మూవీ తెరకెక్కుతోంది. ఈ సినిమా షూటింగ్ చివరి దశలో ఉంది. బన్నీ, రష్మికలపై కీలక సన్నివేశాలను తెరకెక్కిస్తున్నారు. వాస్తవానికి ఈ మూవీ ఆగస్టు 15న విడుదల కావాల్సి ఉంది. అయితే.. షూటింగ్ ఆలస్యం కావడంతో డిసెంబర్ 6కు వాయిదా పడింది. ఇదిలా ఉంటే.. బాలీవుడ్లో విక్కీ కౌశల్ హీరోగా తెరకెక్కుతోన్న ఛావా మూవీలోనూ రష్మిక నటిస్తోంది. ఈ మూవీ టీజర్ను తాజాగా విడుదల చేశారు. ఛత్రపతి శివాజీ మహారాజ్ జీవిత ఆధారంగా తెరకెక్కుతోండగా లక్ష్మణ్ ఉటేకర్ దర్శకత్వం వహిస్తున్నాడు. ఈ చిత్రాన్ని డిసెంబర్ 6 విడుదల చేయనున్నట్లు అధికారికంగా ప్రకటించారు. ఈ రెండు సినిమాలు కూడా పాన్ ఇండియా సినిమాలు కావడం, భారీ బడ్జెట్ మూవీలు కావడం గమనార్హం. ఒకే రోజు రెండు సినిమాలు విడుదల కానుండడంతో ప్రస్తుతం రష్మిక పేరు మారుమోగిపోతుంది. మరి ఆ రోజు రష్మికకు ప్రత్యేకంగా మిగలనుందా లేదో తెలియాలంటే అప్పటి వరకు ఆగక తప్పదు.
Admin
Studio18 News
మరిన్ని వార్తలు
Developed By :
