Pawan Kalyan : అక్కచెల్లమ్మల అనురాగానికి ఏమిస్తే రుణం తీరుతుంది.. రాఖీ శుభాకాంక్షలు తెలిపిన పవన్ కల్యాణ్
Studio18 News - సినిమా, టీవీ & ఓటీటీ / : Pawan Kalyan : రాఖీ పండుగ సందర్భంగా ఆంధ్రప్రదేశ్ ఉప ముఖ్యమంత్రి, జనసేన అధినేత పవన్ కల్యాణ్ ఆడపడుచులకు శుభాకాంక్షలు తెలిపారు. రక్షాబంధన్ అనేది అన్నా చెల్లెళ్ళు, అక్కా తమ్ముళ్ల అనురాగానికి ప్రతీక అని అన్నారు. శ్రావణ పౌర్ణమినాడు వచ్చే ఈ రాఖీ పండుగ ఆనందాల వేడుక అని తెలిపారు. ఈ శ్రావణ పౌర్ణమి దేశవాసులందరికీ శుభాలు కలుగజేయాలని మనస్ఫూర్తిగా కోరుకుంటున్నట్లు తెలియజేశారు. ఈ మేరకు ఎక్స్లో పోస్ట్ చేశారు. ‘సోదర సోదరి ప్రేమ అనుభవైక్యంతోనే అర్థమవుతుంది. అక్కచెల్లమ్మల అనురాగానికి ఏమిస్తే రుణం తీరుతుంది. విప్లవ కవి గద్దరన్న పాడినట్లు చెల్లెలు పాదం మీద పుట్టుమచ్చగానో.. అక్క నుదుటున తిలకంగానో అలంకృతమైనప్పుడే ఆ రుణం తీరుతుందేమో! అదేవిధంగా అన్నదమ్ముల ఆప్యాయతకు ఎవరు వెలకట్టగలరు? వీరిని జీవితాంతం గుండెల్లో గుడికట్టి పూజించడం తప్ప! అటువంటి అనురాగానికి ప్రతీకైన రక్షాబంధన్ పండుగ శుభతరుణాన సోదర సోదరీమణులందరికీ అనురాగపూర్వక శుభాకాంక్షలు. భారతీయ సంస్కృతితో భాగమైన ఈ వేడుకను శ్రావణ పౌర్ణమినాడు ప్రేమైక మనస్సులతో భారతీయులతో పాటు దక్షిణ, తూర్పు ఆసియా దేశాలలో వైభవంగా జరుపుకునే ఈ పండుగ చేసుకోవడం సోదర సోదరీమణుల అనురాగానికి ప్రతీక. ఈ శ్రావణ పౌర్ణమి దేశవాసులందరికీ శుభాలు కలుగజేయాలని మనస్ఫూర్తిగా కోరుకుంటూ మరోసారి రక్షాబంధన్ శుభాకాంక్షలు.’ అని పవన్ కల్యాణ్ రాసుకొచ్చారు.
Admin
Studio18 News
మరిన్ని వార్తలు
Developed By :
