Niharika : నిహారిక ఫస్ట్ జీతం ఎంతో తెలుసా? సినిమాల్లోకి రాకముందు ఎక్కడ పనిచేసిందంటే..
Studio18 News - సినిమా, టీవీ & ఓటీటీ / : Niharika : మెగా డాటర్ నిహారిక హీరోయిన్ గా, నిర్మాతగా సినిమాలు, సిరీస్ లు చేస్తూ బిజీగా ఉంది. ఇటీవలే నిహారిక నిర్మించిన కమిటీ కుర్రాళ్ళు సినిమా ఆగస్టు 9న రిలీజ్ అయి మంచి కలెక్షన్స్ సాధించి హిట్ కొట్టింది. ఈ సినిమా ప్రమోషన్స్ లో నిహారిక తన గురించి, మెగా ఫ్యామిలీ గురించి కూడా బోలెడన్ని ఆసక్తికర విషయాలు తెలిపింది. తాజాగా ఓ ఇంటర్వ్యూలో నిహారిక ఫస్ట్ సంపాదన గురించి అడగ్గా తాను సినిమాల్లోకి, టీవీ షోలోకి రాకముందు చేసిన పని గురించి తెలిపింది. నిహారిక మాట్లాడుతూ.. నేను సినిమాల్లోకి రాకముందు హైదరాబాద్ లోనే ఓ కేఫ్ లో పనిచేసాను. అక్కడ నాకు వారానికి వెయ్యి రూపాయలు ఇచ్చేవాళ్ళు అని తెలిపింది. నన్ను మా నాన్న ఎక్కడికి పంపించేవాళ్ళు కాదు. అందుకే ఇక్కడే చదివాను, ఇక్కడే పనిచేసాను అని తెలిపింది. ఇక నిహారిక ఢీ షోలో యాంకర్ గా కెరీర్ మొదలుపెట్టి ఆ తర్వాత ఒక మనసు సినిమాలో హీరోయిన్ గా ఎంట్రీ ఇచ్చింది. అప్పట్నుంచి టీవీ షోలు, సినిమాలు, సిరీస్ లు చేస్తూనే ఉంది.
Admin
Studio18 News
మరిన్ని వార్తలు
Developed By :
