Susan Wojcicki: యూట్యూబ్ మాజీ సీఈవో మృతి.. దిగ్భ్రాంతి వ్యక్తం చేసిన సుందర్ పిచాయ్
Studio18 News - అంతర్జాతీయం / : యూట్యూబ్ మాజీ సీఈఓ సుసాన్ వోజ్‌కికీ కన్నుమూశారు. రెండేళ్లుగా క్యాన్సర్‌తో పోరాడి చ‌నిపోయిన‌ట్లు ఆల్ఫాబెట్, గూగుల్ సీఈఓ సుందర్ పిచాయ్ శనివారం తెలిపారు. అమెరికాకు చెందిన సుసాన్ 2023 వరకు యూట్యూబ్ సీఈఓగా పనిచేశారు. అంతకుముందు ఆమె గూగుల్‌లో పనిచేశారు. ఈ నేపథ్యంలో సుసాన్ మృతిపై గూగుల్ బాస్ 'ఎక్స్' (ట్విట్ట‌ర్‌) వేదికగా తీవ్ర దిగ్భ్రాంతి వ్యక్తం చేశారు. రెండు సంవత్సరాలు క్యాన్సర్‌తో పోరాడిన తన స్నేహితురాలు మరణించడం నమ్మశక్యంగా లేదని పేర్కొన్నారు. తను ఓ అద్భుతమైన వ్యక్తి, నాయకురాలు అని, ఆమె లేని ప్రపంచాన్ని ఊహించడం కష్టమన్నారు. ఆమె గూగుల్ ప్ర‌పంచంపై ఎంతో ప్రభావం చూపార‌ని, ఆమెను కోల్పోవ‌డం తీర‌నిలోటు అని పేర్కొన్నారు. ఈ సందర్భంగా ఆమె కుంటుంబ స‌భ్యుల‌కు సుందర్ పిచాయ్ ప్ర‌గాఢ‌సానుభూతి తెలిపారు. కాగా, గూగుల్‌లో సుసాన్ కీలకంగా వ్యవహరించారు. యూట్యూబ్ సీఈఓగా ఆమె పదవీకాలంలో ఈ ప్లాట్‌ఫారమ్‌ను గ్లోబల్ పవర్‌హౌస్‌గా తీర్చిదిద్దారు. ఇది మిలియన్ల కొద్దీ కంటెంట్ సృష్టికర్తలు, బిలియన్ల మంది వీక్షకులపై ప్రభావం చూపింది. గూగుల్ యాజమాన్యంలోని కంపెనీల‌లో 25 ఏళ్లు పనిచేశారు. ఫిబ్రవరి 2023లో ఆమె సీఈఓగా వైదొలుగుతున్నట్లు ప్రకటించ‌డంతో భారతీయ-అమెరికన్ నీల్ మోహన్ యూట్యూబ్ కొత్త సీఈఓగా నియమితులయ్యారు.
Admin
Studio18 News
మరిన్ని వార్తలు
Developed By :
