Sadhineni Yamini Sharma: వారిని వెంకన్నే చూసుకుంటారు... లడ్డూ కల్తీపై సాధినేని యామిని శర్మ
Studio18 News - ANDHRA PRADESH / Tirupati : తిరుపతి లడ్డూ స్కామ్పై సీబీఐ-సిట్ ఫైనల్ చార్జ్షీట్ నెయ్యి, లడ్డూ కల్తీలో 36 మంది ప్రమేయం ఉన్నట్టు వెల్లడి శుద్ధ నెయ్యికి బదులు సింథటిక్ నెయ్యి వాడారని నిర్ధారణ వైసీపీ నేతలను హిందువులు క్షమించరన్న బీజేపీ నేత యామిని శర్మ మాజీ టీటీడీ చైర్మన్లు వైవీ సుబ్బారెడ్డి, భూమనపై తీవ్ర విమర్శలు తిరుపతి లడ్డూ ప్రసాదం తయారీలో జరిగిన అక్రమాలపై సుప్రీంకోర్టు నియమించిన సీబీఐ నేతృత్వంలోని ప్రత్యేక దర్యాప్తు బృందం (సిట్) ఫైనల్ చార్జ్షీట్ దాఖలు చేసిందని బీజేపీ రాష్ట్ర అధికార ప్రతినిధి సాధినేని యామిని శర్మ తెలిపారు. ఈ కుంభకోణంలో మొత్తం 36 మంది ప్రమేయం ఉన్నట్లు సిట్ తన నివేదికలో పేర్కొందని ఆమె వెల్లడించారు. శుక్రవారం ఆమె మీడియాతో మాట్లాడుతూ.. లడ్డూ తయారీకి స్వచ్ఛమైన నెయ్యికి బదులుగా సింథటిక్ నెయ్యిని సరఫరా చేసి, ప్రసాదాన్ని కల్తీ చేశారని సిట్ స్పష్టం చేసిందన్నారు. ఈ వ్యవహారంలో పాలుపంచుకున్న నాటి టీటీడీ చైర్మన్లు వైవీ సుబ్బారెడ్డి, భూమన కరుణాకర్ రెడ్డితో పాటు వైసీపీ నేతలు, కార్యకర్తలను హిందువులు ఎప్పటికీ మరిచిపోరని, క్షమించరని యామిని శర్మ తీవ్ర వ్యాఖ్యలు చేశారు. కోట్లాది మంది భక్తుల మనోభావాలతో ముడిపడి ఉన్న పవిత్రమైన లడ్డూ ప్రసాదాన్ని కల్తీ చేయడం దారుణమని ఆమె మండిపడ్డారు. "శ్రీ వేంకటేశ్వర స్వామి అన్నీ గమనిస్తున్నారు. వారు చేసిన కర్మకు ఎలాంటి ఫలితం అనుభవిస్తారో చూద్దాం" అంటూ యామిని శర్మ హెచ్చరించారు. ఈ కుంభకోణం వెనుక ఉన్న అసలు దోషులను కఠినంగా శిక్షించాలని ఆమె డిమాండ్ చేశారు.
Admin
Studio18 News
మరిన్ని వార్తలు
Developed By :
