Pushpa2 The Rule: 'పుష్ప-2' నుంచి అదిరిపోయే అప్డేట్!
Studio18 News - సినిమా, టీవీ & ఓటీటీ / : టాలీవుడ్ టాలెంటెడ్ డైరెక్టర్ సుకుమార్ దర్శకత్వంలో ఐకాన్ స్టార్ అల్లు అర్జున్ నటిస్తున్న పుష్ప-2 నుంచి తాజాగా మేకర్స్ అదిరిపోయే అప్డేట్ ఇచ్చారు. ఈ మూవీలో ప్రతినాయకుడిగా నటిస్తున్న మలయాళ స్టార్ హీరో ఫహద్ ఫాసిల్ బర్త్డే సందర్భంగా ఓ పోస్టర్ను రిలీజ్ చేశారు. ఈ చిత్రంలో ఆయన భన్వర్ సింగ్ షెకావత్ అనే ఐపీఎస్ పోలీస్ అధికారి పాత్రలో నటించిన విషయం తెలిసిందే. ఇవాళ ఫహద్ పుట్టినరోజు కావడంతో బర్త్ డే విషెస్ చెబుతూ మూవీలోని ఆయన లుక్ను చిత్రం యూనిట్ విడుదల చేసింది. ఈ పోస్టర్లో భన్వర్ సింగ్ మాస్ లుక్లో అదరగొట్టారు. షెకావత్ సార్ ఈ సారి గుండీలు విప్పేసిన ఖాకీ చొక్కా వేసుకుని, లుంగీలో ఓ చేతిలో గొడ్డలి.. మరో చేతిలో తుపాకీ పట్టుకొని కనిపించాడు. ఈసారి ఆయనను లెక్కల మాస్టారు మరింత పవర్ఫుల్గా చూపించబోతున్నాడని ఈ పోస్ట్ చూస్తుంటే అర్థమవుతోంది. ఇక ఇప్పటికే మేకర్స్ ఈ చిత్రాన్ని డిసెంబర్ 6న ప్రపంచవ్యాప్తంగా గ్రాండ్గా విడుదల చేస్తున్నట్టు ప్రకటించిన విషయం తెలిసిందే. బన్నీ సరసన హీరోయిన్గా కన్నడ భామ రష్మిక మందన్నా నటిస్తున్న ఈ మూవీకి రాక్స్టార్ దేవీశ్రీ ప్రసాద్ మ్యూజిక్ అందిస్తున్నాడు. జగదీష్ ప్రతాప్ బండారి, జగపతిబాబు, ప్రకాశ్ రాజ్, సునీల్, అనసూయ భరద్వాజ్, రావు రమేశ్, ధనంజయ, అజయ్, ఇతర కీలక పాత్రల్లో నటిస్తున్నారు.
Admin
Studio18 News
మరిన్ని వార్తలు
Developed By :
