Deepika Padukone: దీపిక పదుకొణె ‘8 గంటల షిఫ్ట్’ డిమాండ్కు మద్దతు పలికిన గోవిందా భార్య
Studio18 News - సినిమా, టీవీ & ఓటీటీ / : నటీనటులకు 8 గంటల పని విధానంపై దీపికాకు మద్దతు పనితో పాటు పిల్లల సంరక్షణ కూడా ముఖ్యమని చెప్పిన సునీతా అహుజా నిర్మాతలు ఈ విషయంపై ఆలోచించాలని సూచన ‘స్పిరిట్’, ‘కల్కి’ సీక్వెల్ నుంచి దీపికా వైదొలగడంపై చర్చ సినీ రంగంలో నటీనటులకు, ముఖ్యంగా తల్లులకు 8 గంటల పని విధానం ఉండాలంటూ నటి దీపికా పదుకొణె చేసిన డిమాండ్కు ప్రముఖ నటుడు గోవిందా భార్య సునీతా అహుజా మద్దతు తెలిపారు. పనితో పాటు కుటుంబానికి, పిల్లలకు సమయం కేటాయించడం చాలా ముఖ్యమని ఆమె అభిప్రాయపడ్డారు. ఇటీవల తన వ్లాగ్లో అభిమానులతో మాట్లాడిన సునీత ఈ వ్యాఖ్యలు చేశారు. ఒక అభిమాని అడిగిన ప్రశ్నకు సునీత స్పందిస్తూ, "దీపికా చెప్పిన దాంట్లో నిజం ఉంది. పని ముఖ్యమే, కానీ అంతకంటే ముందు మన పిల్లలను మనమే చూసుకోవాలి. 8 గంటల షూటింగ్ తర్వాత పిల్లలతో గడపడం ప్రతి తల్లికి అవసరం. నేను నా పిల్లలను ఎప్పుడూ పనివాళ్ల దగ్గర వదిలిపెట్టలేదు. దీపికా ఒక మంచి తల్లి కాబట్టే ఈ మాట చెప్పి ఉంటుంది. నిర్మాతలు ఈ విషయం గురించి ఆలోచించాలి" అని వివరించారు. ప్రభాస్ సరసన నటించాల్సిన ‘స్పిరిట్’ సినిమా నుంచి దీపికా తప్పుకున్నారని వార్తలు వచ్చినప్పటి నుంచి 8 గంటల పని విధానంపై చర్చ మొదలైంది. లాభాల్లో వాటా, 8 గంటల పని సమయం వంటి షరతులపై ఏకాభిప్రాయం కుదరకపోవడంతో ఆమె ఈ ప్రాజెక్ట్ నుంచి వైదొలిగినట్టు ప్రచారం జరిగింది. ఆమె స్థానంలో తృప్తి డిమ్రిని తీసుకున్నారు. ఇదే క్రమంలో, ‘కల్కి 2898 ఏడీ’ సీక్వెల్లో కూడా దీపికా భాగం కాదని వైజయంతీ మూవీస్ సంస్థ అధికారికంగా ప్రకటించింది. తాము కలిసి పనిచేయలేకపోయామని, ఇలాంటి సినిమాకు పూర్తి నిబద్ధత అవసరమని ఎక్స్ లో ఒక ప్రకటన విడుదల చేసింది.
Admin
Studio18 News
మరిన్ని వార్తలు
Developed By :
