ఆర్టీసీ బస్సు బోల్తా, 40 మందికి గాయాలు
Studio18 News - ANDHRA PRADESH / Prakasam : ప్రకాశం జిల్లాలో ఘోర ప్రమాదం జరిగింది. పెద్దారవీడు మండలం మద్దెలకట్ట దగ్గర నూజివీడు ఆర్టీసీ డిపోకు చెందిన సూపర్ లగ్జరీ ఎక్స్‌ప్రెస్ బస్సు అదుపుతప్పి బోల్తా పడింది. శ్రీశైలం వెళ్తున్న ఈ బస్సులో డ్రైవర్, కండక్టర్‌తో కలిసి దాదాపు నలభై మంది ప్రయాణికులు ఉన్నారు. ప్రమాదంలో 14 మంది ప్రయాణికులు తీవ్రంగా గాయపడగా, పెద్ద దోర్నాల ప్రభుత్వ ఆసుపత్రికి తరలించి చికిత్స అందిస్తున్నట్లు అధికారులు తెలిపారు. మిగతావారిలో కొంతమందికి స్వల్ప గాయాలయ్యాయని చెబుతున్నారు. సమాచారం అందిన వెంటనే మార్కాపురం సబ్ కలెక్టర్ నాగిరెడ్డి, పెద్దారవీడు తహశీల్దార్ దిలీప్ కుమార్, పెద్దారవీడు ఎస్సై, ఎర్రగొండపాలెం సర్కిల్ ఇన్స్పెక్టర్ అజయ్ ఘటనాస్థలానికి చేరుకుని పరిస్థితిని ప్రత్యక్షంగా పరిశీలించారు. ప్రమాదానికి గల కారణాలపై దర్యాప్తు ప్రారంభించారు.
Admin
Studio18 News
మరిన్ని వార్తలు
Developed By :
