టెన్త్‌ ఫలితాల్లో వందశాతం ఉత్తీర్ణత లక్ష్యం-ప్రావీణ్య
Studio18 News - TELANGANA / SANGAREDDY : సంగారెడ్డి జిల్లా కలెక్టర్ ప్రావీణ్య కంది మండలం చేర్యాల గ్రామంలోని జిల్లా పరిషత్ ఉన్నత పాఠశాలను ఆకస్మికంగా సందర్శించారు. పదవ తరగతి విద్యార్థుల ఫలితాల్లో నూరు శాతం ఉత్తీర్ణత సాధించడమే లక్ష్యమని అన్నారు. తరగతి గదుల్లో జరుగుతున్న బోధనా కార్యక్రమాలను పరిశీలించిన కలెక్టర్, విద్యార్థులతో మాట్లాడి సిలబస్ పురోగతి, రెగ్యులర్ తరగతులు, ప్రత్యేక తరగతుల నిర్వహణపై వివరాలు తెలుసుకున్నారు. ప్రత్యేక తరగతులు సమర్థవంతంగా జరుగుతున్నాయని, మంచి ప్రిపరేషన్ చేస్తున్నామని విద్యార్థులు కలెక్టర్‌కు తెలిపారు. విద్యార్థులకు ప్రతిరోజూ స్నాక్స్ అందజేస్తున్నారా, మధ్యాహ్న భోజన నాణ్యత ఎలా ఉంది అన్న విషయాలపై కూడా కలెక్టర్ ఉపాధ్యాయులను ఆరాతీశారు. పాఠశాల హాజరు శాతం, పదవ తరగతి విద్యార్థుల సిద్ధత, మాక్ టెస్టుల నిర్వహణపై ప్రత్యేకంగా సమీక్షించి, రాబోయే పరీక్షల్లో అత్యుత్తమ ఫలితాలు సాధించేందుకు విద్యార్థులు మరింత క్రమశిక్షణతో చదువుకోవాలని సూచించారు. ఈసారి మంచి మార్కులు సాధించి పాఠశాల ప్రతిష్టను, జిల్లా పేరును ఉన్నతంగా నిలబెట్టాలని కలెక్టర్ అన్నారు.
Admin
Studio18 News
మరిన్ని వార్తలు
Developed By :
