బీసీలను అన్ని పార్టీలు మోసం చేసాయి-రమణ
Studio18 News - TELANGANA / HYDERABAD : తెలంగాణ రాష్ట్రంలో బీసీలకు 42% రిజర్వేషన్లు కల్పించకుండా గ్రామపంచాయతీ ఎన్నికలకు వెళ్లడం అన్ని పార్టీల మోసం అని జాతీయ బీసీ చైతన్య సమితి జాతీయ అధ్యక్షుడు బీసీ రమణ విమర్శించారు. సైదాబాద్‌లో ఏర్పాటు చేసిన జాతీయ బీసీ చైతన్య సమితి గ్రేటర్ హైదరాబాద్ నూతన కమిటీ ఎన్నిక కార్యక్రమానికి ఆయనతో పాటు సంఘం ముఖ్య నేతలు హాజరయ్యారు. ఈ సందర్భంగా గ్రేటర్ హైదరాబాద్ అధ్యక్షుడిగా కావేటి శ్రీకాంత్, ప్రధాన కార్యదర్శిగా పున్నోజు రామకృష్ణ చారి, కోశాధికారిగా తన్నీరు గంగయ్యలకు నియామక పత్రాలు అందజేశారు. తెలంగాణలో అన్ని పార్టీలు బీసీ రిజర్వేషన్లకు మద్దతు ఇస్తామని చెప్పి, చివరకు కోర్టు కేసుల పేరుతో వాటిని అడ్డుకోవడం ద్వారా బీసీ సమాజానికి తీవ్ర నిరాశ కలిగించారని రమణ అన్నారు. తాజాగా విడుదలైన 46 జీవోతో 50% రిజర్వేషన్ల కారణంగా బీసీలకు సరైన అవకాశాలు లభించకుండా ప్రభుత్వం వ్యవహరిస్తోందని విమర్శించారు. బీసీ సమాజం ఈ విషయం గమనించి జాతీయ బీసీ చైతన్య సమితి‌తో ఐక్యంగా ముందుకు రావాలని పిలుపునిచ్చారు.
Admin
Studio18 News
మరిన్ని వార్తలు
Developed By :
