పూలే ఆశయ సాధనకు కృషి చేద్దాం
Studio18 News - TELANGANA / MEDAK : భారత ప్రథమ సామాజిక తత్వవేత్త, ఉద్యమకారుడు, సంఘసేవకుడు మహాత్మా జ్యోతిరావు పూలే ఆశయ సాధనకు ప్రతి ఒక్కరూ కృషి చేయాల్సిన అవసరం ఉందని మెదక్ మున్సిపల్ మాజీ చైర్మన్ మల్లికార్జున గౌడ్ అన్నారు. మెదక్ జిల్లా బీఆర్ఎస్ కార్యాలయంలో మహాత్మా జ్యోతిరావు పూలే వర్ధంతిని ఘనంగా జరిపారు. ఈ సందర్భంగా మున్సిపల్ మాజీ చైర్మన్ మల్లికార్జున గౌడ్, మెదక్ పట్టణ మాజీ కౌన్సిలర్లు, పార్టీ నాయకులతో కలిసి పూలే చిత్రపటానికి పూలమాలలు వేసి నివాళులర్పించారు. సమసమాజ స్థాపనకు, బడుగు-బలహీన వర్గాల విద్యా అభివృద్ధికి, సమాన హక్కుల కోసం పూలే చేసిన పోరాటం అమూల్యమన్నారు మల్లికార్జునగౌడ్‌. ఆయన చూపిన మార్గంలో నడిచి ఆశయాలను సాకారం చేయడానికి అందరూ ముందుకు రావాలని పిలుపునిచ్చారు. బీసీలు రాజకీయంగా, ఆర్థికంగా ముందుకు సాగేందుకు పూలే చేసిన కృషి అపారమని చెప్పారు.
Admin
Studio18 News
మరిన్ని వార్తలు
Developed By :
