ఘనంగా శ్రీఅష్టకాల భైరవస్వామి వార్షికోత్సవాలు
Studio18 News - TELANGANA / MEDAK : మెదక్ జిల్లా కాశిపల్లి గ్రామంలో శ్రీఅష్టకాల భైరవ స్వామి 15వ వార్షికోత్సవ వేడుకలు మూడోరోజుకు చేరుకున్నాయి. ఈ సందర్భంగా ఆలయంలో సుబ్రహ్మణ్య స్వామి విగ్రహ ప్రతిష్ఠ, కళశ పూజలు ఘనంగా నిర్వహించారు. విజయవాడ నుండి ప్రత్యేకంగా విచ్చేసిన శివక్షేత్రాధిపతి శివ స్వామీజీ ఈ కార్యక్రమాలకు నాయకత్వం వహిస్తూ ప్రత్యేక పూజలు నిర్వహించారు. కాలభైరవ స్వామి దేవాలయ నిర్మాణం అత్యంత క్లిష్టమైనదని, ఇందుకు కాలభైరవ స్వామి వచనం ఆశీస్సులు, దక్షిణామూర్తి స్వామి అనుగ్రహం తప్పనిసరిగా అవసరమని స్వామీజీ పేర్కొన్నారు. ఈ ఆలయ నిర్మాణ బాధ్యతలను తీసుకుని ఎన్నేళ్లుగా ప్రయత్నిస్తున్న తాళ్లపల్లి రాజశేఖర్ దంపతులను ఆయన ప్రత్యేకంగా ఆశీర్వదిస్తూ భక్తులకు వేదాశీర్వచనం అందజేశారు. తాళ్లపల్లి రాజశేఖర్ మాట్లాడుతూ ఈ ఆలయ నిర్మాణం తలపెట్టిన దాదాపు 15 సంవత్సరాలైనా పనులు పూర్తిగా ముగియలేదని పేర్కొన్నారు. ఇక్కడ ఒకే భైరవ స్వామి కాకుండా అష్టభైరవ స్వాముల ఆలయాలు నిర్మించాల్సి ఉందని, ఇందుకు ప్రజలు, భక్తులు సహకారం అందించాలని ఆయన కోరారు.
Admin
Studio18 News
మరిన్ని వార్తలు
Developed By :
