Shriya Saran: నా పేరుతో మోసం... ఎవరీ ఇడియట్?: నటి శ్రియ ఫైర్
Studio18 News - సినిమా, టీవీ & ఓటీటీ / : తన పేరుతో మోసాలకు పాల్పడుతున్నారని నటి శ్రియ ఆరోపణ పరిశ్రమలోని ప్రముఖులకు ఫేక్ మెసేజ్లు పంపుతున్నారని వెల్లడి ఆ సందేశాలు పంపుతోంది తాను కాదని, అది తన నంబర్ కాదని స్పష్టీకరణ ఇలాంటి పనులు మానుకోవాలని గుర్తు తెలియని వ్యక్తికి గట్టిగా హితవు ప్రముఖ నటి శ్రియ శరణ్ ఓ ఆగంతకుడి చర్యలపై తీవ్ర ఆగ్రహం వ్యక్తం చేశారు. ఎవరో గుర్తు తెలియని వ్యక్తి తన పేరు వాడుకుని ఇండస్ట్రీలోని ప్రముఖులకు సందేశాలు పంపుతున్నారని, వారి సమయాన్ని వృథా చేస్తున్నారని ఆమె ఆరోపించారు. ఈ మోసంపై ఆమె సోషల్ మీడియా వేదికగా ఘాటుగా స్పందించారు. "ఎవరీ ఇడియట్? దయచేసి ఇతరులకు సందేశాలు పంపి వారి సమయాన్ని వృథా చేయకండి. ఇది చాలా విచిత్రంగా, ఇబ్బందికరంగా ఉంది" అని శ్రియ పేర్కొన్నారు. ఆ సందేశాలు పంపుతున్నది తాను కాదని, అది తన ఫోన్ నంబర్ కూడా కాదని ఆమె స్పష్టం చేశారు. అయితే, ఈ విషయంలో ఓ సరదా కోణం కూడా ఉందని ఆమె వ్యాఖ్యానించారు. "ఈ పనికిమాలిన వ్యక్తి.. నేను ఎంతగానో ఆరాధించే, కలిసి పనిచేయాలనుకునే వ్యక్తులను సంప్రదిస్తుండటం ఒక్కటే ఇందులో ఉన్న మంచి విషయం" అని చమత్కరించారు. చివరగా ఆ ఆగంతకుడిని ఉద్దేశించి, "ఇలాంటి పనులు చేస్తూ సమయం ఎందుకు వృథా చేసుకుంటున్నారు? మరొకరిలా నటించడం మానేసి, పోయి బతకండి" అంటూ శ్రియ గట్టిగా హితవు పలికారు. ప్రస్తుతం ఆమె చేసిన ఈ వ్యాఖ్యలు సినీ వర్గాల్లో చర్చనీయాంశంగా మారాయి.
Admin
Studio18 News
మరిన్ని వార్తలు
Developed By :
