Raashii Khanna: '120 బహదూర్' లో ఒక పాట కోసం రాశీ కష్టం అంతాఇంతా కాదు!
Studio18 News - సినిమా, టీవీ & ఓటీటీ / : '120 బహదూర్' సినిమా పాట చిత్రీకరణ అనుభవాలు పంచుకున్న రాశీ ఖన్నా ఒకే లుక్ కోసం చాలాసార్లు ముఖం కడుక్కోవాల్సి వచ్చిందని వెల్లడి తన బృందం ఓపికకు కృతజ్ఞతలు తెలుపుతూ ఇన్స్స్టాగ్రామ్లో పోస్ట్ ఫర్హాన్ అక్తర్తో కలిసి నటిస్తున్న రాశీ 'నైనా రా లోభి' పాటలో రొమాంటిక్ కెమిస్ట్రీ హైలైట్ నవంబర్ 21న ప్రేక్షకుల ముందుకు రానున్న సినిమా ప్రముఖ నటి రాశీ ఖన్నా తన రాబోయే చిత్రం '120 బహదూర్' కోసం పడిన శ్రమను అభిమానులతో పంచుకున్నారు. ఫర్హాన్ అక్తర్తో కలిసి ఆమె నటించిన ఈ సినిమాలోని 'నైనా రా లోభి' అనే పాట చిత్రీకరణ వెనుక ఉన్న కష్టాన్ని ఇన్స్స్టాగ్రామ్ వేదికగా తెలియజేశారు. సరైన షాట్ కోసం ఒకే లుక్ను మళ్లీ మళ్లీ రీక్రియేట్ చేయాల్సి వచ్చిందని, దాని కోసం చాలాసార్లు ముఖం కడుక్కోవాల్సి వచ్చిందని ఆమె వెల్లడించారు. ఈ మేరకు తన ఫొటోలను షేర్ చేస్తూ, "ఈ లుక్ కోసం వాడిన రంగులు, హస్తకళ, సాంస్కృతిక వివరాలు నాకు చాలా ప్రత్యేకం. ఈ పాట చిత్రీకరణలో సరైన టేక్ కోసం ఎన్నిసార్లు ముఖం కడుక్కొని, మొత్తం లుక్ను తిరిగి రీక్రియేట్ చేశానో నాకే గుర్తులేదు. రంగుల వాడకం, లెక్కలేనన్ని రీసెట్లు ఉన్నప్పటికీ నా హెయిర్, మేకప్ టీం ప్రతి టేక్లోనూ ఎంతో ఓపికగా, పర్ఫెక్ట్గా పనిచేశారు" అని రాశీ తన పోస్ట్లో పేర్కొన్నారు. ఈ సందర్భంగా తన లుక్ను ఎంతో సహజంగా, అద్భుతంగా తీర్చిదిద్దిన తన మేకప్, హెయిర్, కాస్ట్యూమ్ డిజైన్ బృందానికి ఆమె ప్రత్యేకంగా కృతజ్ఞతలు తెలిపారు. ఒక మంచి అవుట్పుట్ వెనుక ఇంతమంది కృషి ఉంటుందని ఆమె అన్నారు. జావేద్ అలీ, అసీస్ కౌర్ ఆలపించిన 'నైనా రా లోభి' పాట ఒక అందమైన రొమాంటిక్ గీతం. ఇందులో ఫర్హాన్ అక్తర్, రాశీ ఖన్నా మధ్య కెమిస్ట్రీని చక్కగా చిత్రీకరించారు. ఎక్సెల్ ఎంటర్టైన్మెంట్ నిర్మించిన '120 బహదూర్' చిత్రం, రెజాంగ్ లా సరిహద్దులో 120 మంది సైనికులు చూపిన వీరోచిత పోరాటం ఆధారంగా తెరకెక్కింది. రాజ్నీష్ 'రాజీ' ఘాయ్ దర్శకత్వం వహించిన ఈ యాక్షన్ థ్రిల్లర్ నవంబర్ 21న విడుదల కానుంది.
Admin
Studio18 News
మరిన్ని వార్తలు
Developed By :
