Paresh Rawal: అవార్డుల్లో భారీ లాబీయింగ్ ఉంటుంది.. ఆస్కార్ కూడా మినహాయింపు కాదు: పరేశ్ రావల్
Studio18 News - సినిమా, టీవీ & ఓటీటీ / : సినీ అవార్డులపై పరేశ్ రావల్ కీలక వ్యాఖ్యలు జాతీయ అవార్డుల విషయంలో లాబీయింగ్ ఎక్కువగా ఉంటుందని వ్యాఖ్య ప్రతిష్ఠాత్మక ఆస్కార్ అవార్డుల్లోనూ పైరవీలకు ఆస్కారం ఉందని వెల్లడి జ్యూరీ సభ్యులను ఆకర్షించేందుకు నిర్మాతలు ప్రయత్నిస్తారన్న పరేశ్ అవార్డుల కంటే దర్శకనిర్మాతల ప్రశంసలే తనకు విలువైనవని వ్యాఖ్య ప్రముఖ బాలీవుడ్ నటుడు పరేశ్ రావల్ సినీ అవార్డులపై సంచలన వ్యాఖ్యలు చేశారు. ప్రతిష్ఠాత్మక జాతీయ పురస్కారాల నుంచి ఆస్కార్ అవార్డుల వరకు అన్నింట్లోనూ లాబీయింగ్ జరుగుతుందని, దీనికి ఏ పురస్కారాలూ మినహాయింపు కాదని ఆయన అభిప్రాయపడ్డారు. నటీనటులకు అవార్డులు, ట్రోఫీల కన్నా దర్శకనిర్మాతల నుంచి వచ్చే ప్రశంసలే అత్యంత విలువైనవని స్పష్టం చేశారు. ఓ సందర్భంలో మాట్లాడుతూ, అవార్డుల ఎంపిక ప్రక్రియపై తన అభిప్రాయాలను పంచుకున్నారు. "నాకు అవార్డుల గురించి పెద్దగా తెలియదు. కానీ జాతీయ అవార్డులతో సహా అన్ని పురస్కారాల్లో లాబీయింగ్కు ఆస్కారం ఉంటుంది. ముఖ్యంగా జాతీయ అవార్డుల విషయంలో ఇది మరింత ఎక్కువగా కనిపిస్తుంది. ప్రపంచవ్యాప్తంగా ఇదే పరిస్థితి ఉంది. ఆస్కార్ అవార్డుల్లోనూ పైరవీలు జరుగుతాయి" అని ఆయన వివరించారు. అవార్డుల కోసం చిత్రబృందాలు తమ నెట్వర్క్ను ఉపయోగించుకుంటాయని, కొన్ని పార్టీల ద్వారా కూడా ప్రయత్నాలు చేస్తాయని పరేశ్ రావల్ తెలిపారు. "కొంతమంది నిర్మాతలు జ్యూరీ సభ్యులను ఆకర్షించడానికి ప్రయత్నిస్తారు. ఒక్కోసారి, ‘ఇది ఫలానా పెద్ద దర్శకుడి సినిమా’ అనే కారణంతో కూడా అవార్డుల కమిటీ ప్రత్యేక శ్రద్ధ చూపుతుంది" అని ఆయన పేర్కొన్నారు. తనకు వ్యక్తిగతంగా అవార్డుల కంటే నటనకు లభించే గుర్తింపే ముఖ్యమని పరేశ్ రావల్ అన్నారు. "నా నటన బాగుందని దర్శకనిర్మాతలు ప్రశంసిస్తే కలిగే ఆనందం ముందు అవార్డులు దిగదుడుపే. ఆ ప్రశంసలే నాకు అత్యంత విలువైనవి" అని ఆయన స్పష్టం చేశారు. కాగా, 1994లో ‘వో ఛోకరీ’, ‘సర్’ చిత్రాల్లోని నటనకు గాను పరేశ్ రావల్ జాతీయ ఉత్తమ సహాయ నటుడిగా పురస్కారం అందుకున్న విషయం గమనార్హం.
Admin
Studio18 News
మరిన్ని వార్తలు
Developed By :
