22/04/2021

జనగామ జిల్లా పెంబర్తిలో లంకె బిందె లభ్యం

భూమి తవ్వకాల్లో నిధులతో కూడిన లంకె బిందెలు దొరకడం గతంలోనూ అనేక పర్యాయాలు జరిగింది. తాజాగా జనగామ జిల్లా పెంబర్తి గ్రామంలో ఓ రైతు పొలంలో లంకె బిందె లభ్యం కాగా, ఈ వార్త కొద్దిసేపట్లోనే దావానలంలా వ్యాపించింది. భూమిలో వెంచర్ ఏర్పాటు చేసేందుకు జేసీబీతో మట్టిని చదును చేస్తుండగా, ఓ చోట లంకె బిందె కనిపించింది. ఆ బిందెలో 17 తులాల బంగారంతో పాటు 10 కేజీల వెండి కూడా లభ్యమైంది. లంకె బిందె వ్యవహారం జిల్లా మొత్తం పాకిపోవడంతో అడిషనల్ కలెక్టర్ భాస్కరరావు, తహసీల్దార్ రవీందర్, సర్పంచ్ ఆంజనేయులు, పోలీసు సిబ్బంది ఆ వెంచర్ వద్దకు చేరుకుని పరిస్థితిని సమీక్షించారు. కాగా ఆ బిందెలోని ఆభరణాలు కాకతీయుల కాలం నాటివని భావిస్తున్నారు.

Social Media Auto Publish Powered By : XYZScripts.com
error: Sorry You Cant copy this .. !!
%d bloggers like this: